മുഖ്യമന്ത്രിയുടെ സംസ്ഥാനതല പര്യടനത്തിന് ബുധനാഴ്ച തുടക്കമാകും

കണ്ണൂര്‍: നിയമസഭാ തെരഞ്ഞെടുപ്പില്‍ എല്‍ഡിഎഫ് പ്രചാരണം നയിച്ച്‌ മുഖ്യമന്ത്രി പിണറായി വിജയന്‍ ബുധനാഴ്ച മുതല്‍ സംസ്ഥാനതല പര്യടനത്തിന്. 14 ജില്ലകളിലും ഓരോ ദിവസമാണ് പര്യടനം. ബുധനാഴ്ച വയനാട് ജില്ലയിലും 18 – മലപ്പുറം, 19- പാലക്കാട്, 20 – തൃശൂര്‍, 21-ഇടുക്കി, 22- കോട്ടയം, 23- പത്തനംതിട്ട, 24- ആലപ്പുഴ, 25- കൊല്ലം, 26- തിരുവനന്തപുരം, 27- എറണാകുളം, 28- കോഴിക്കോട്, 29- കണ്ണൂര്‍, 30- കാസര്‍കോട് എന്നിങ്ങനെയാണ് പര്യടനം. കഴിഞ്ഞ എട്ടുമുതല്‍ സ്വന്തം മണ്ഡലമായ ധര്‍മടത്താണ് മുഖ്യമന്ത്രി. 31 മുതല്‍ വോട്ടെടുപ്പുവരെയും മണ്ഡലത്തിലുണ്ടാകും.