അളവിൽ കൂടുതൽ മദ്യം കൈവശം വെച്ച പെരുവണ്ണാമൂഴി സ്വദേശിയെ പൊലീസ് പിടികൂടി
കോഴിക്കോട്: അളവിൽ കൂടുതൽ മദ്യം കൈവശം വെച്ച പെരുവണ്ണാമൂഴി സ്വദേശിയെ പൊലീസ് പിടികൂടി. ചെമ്പനോട കൈതക്കുളത്ത് ജോസഫിൻ്റെ മകൻ ദേവസ്യ(61) യെയാണ് പിടികൂടിയത്. ബേപ്പൂർ, ചാലിയം മേഖലകളിലെ മത്സ്യതൊഴിലാളികൾക്കിടയിൽ അനധികൃതമായി ലഹരി വസ്തുക്കളും മദ്യവും വിൽപ്പന നടന്നുവരുന്നതായുള്ള രഹസ്യവിവരത്തെത്തുടർന്ന് നടത്തിയ പരിശോധനയിലാണ് ലോഡ്ജ് മുറിയിൽ നിന്നും ഇയാളെ മദ്യവുമായി പിടികൂടിയത്.
ബേപ്പൂർ ഹാർബർ റോഡ് ജംഗ്ഷനിലുള്ള പീവീസ് ലോഡ്ജിൽ താമസിച്ചിരുന്ന ഇയാളിൽ നിന്ന് 500 ml ന്റെ 18 കുപ്പി ഇന്ത്യൻ നിർമ്മിത വിദേശമദ്യമാണ് പിടികൂടിയത്. ഇയാൾക്കെതിരെ ബേപ്പൂർ പോലീസ് സ്റ്റേഷനിൽ ക്രൈം No.462/24. u/s 13 r/w 63 of Kerala Abkari Act ആയി കേസ് രജിസ്റ്റർ ചെയ്തു. പ്രതി നേരത്തെ ബേപ്പൂർ ഹാർബറിലെ മത്സ്യതൊഴിലാളിയായിരുന്നു.
