ബാലുശേരി മിനി സിവിൽസ്റ്റേഷൻ നിർമാണം
ഒരു വർഷത്തിനകം പൂർത്തിയാക്കും

ബാലുശേരി: ബാലുശേരി മിനി സിവിൽ സ്റ്റേഷൻ നിർമാണം ഒരു വർഷത്തിനുള്ളിൽ പൂർത്തിയാക്കാനാണ് ലക്ഷ്യമിടുന്നതെന്ന് കെ എം സച്ചിൻദേവ് എംഎൽഎ പറഞ്ഞു. പ്രവൃത്തി പുരോഗതി വിലയിരുത്താനായി എംഎൽഎയും ജനപ്രതിനിധികളും ഉദ്യോഗസ്ഥരും പ്രവൃത്തി നടക്കുന്ന സ്ഥലം സന്ദർശിച്ചു. ബാലുശേരിയിൽ വാടകക്കെട്ടിടത്തിൽ പ്രവർത്തിക്കുന്ന എല്ലാ സർക്കാർ ഓഫീസുകളും ഒരു കുടക്കീഴിൽ കൊണ്ടുവരികയെന്ന ലക്ഷ്യത്തോടെ 15 കോടി രൂപ ചെലവഴിച്ച് പറമ്പിന്റെ മുകളിൽ 72 സെന്റ് റവന്യു ഭൂമിയിലാണ് മിനി സിവിൽ സ്റ്റേഷൻ നിർമിക്കുന്നത്.