വന്മുകം-എളമ്പിലാട് എം.എൽ.പി. സ്കൂളിൽ ലഹരിക്കെതിരെ വിദ്യാർത്ഥികൾ സ്നേഹച്ചങ്ങല തീർത്തു
ചിങ്ങപുരം: വന്മുകം-എളമ്പിലാട് എം.എൽ.പി. സ്കൂളിൽ ലഹരിക്കെതിരെ വിദ്യാർത്ഥികൾ സ്നേഹച്ചങ്ങല തീർത്തു. അതിക്രമ മനോഭാവത്തില്‍നിന്ന്, ലഹരിയുടെ കൈകളില്‍നിന്ന് കുട്ടികളെ തിരികെപ്പിടിക്കാന്‍ നല്ലപാഠം ക്ലബ്ബിൻ്റെ നേതൃത്വത്തില്‍ സ്നേഹക്കൂട്ട് ഉറപ്പിക്കാനായി സ്കൂൾ ഗ്രൗണ്ടിൽ സ്നേഹച്ചങ്ങല തീർത്തു. പ്രധാനാധ്യാപിക എൻ.ടി.കെ.സീനത്ത് അധ്യക്ഷത വഹിച്ചു.
സ്കൂൾ ലീഡർ മുഹമ്മദ് റയ്ഹാൻ പ്രതിജ്ഞ ചൊല്ലിക്കൊടുത്തു. നല്ലപാഠം കോ-ഓർഡിനേറ്റർ പി.കെ. അബ്ദുറഹ്മാൻ അധ്യക്ഷത വഹിച്ചു. നല്ല പാഠം ലീഡർ സി. ത്രയംബക്, അസി. ലീഡർ നൂസ മെഹറിൻ, സി. ഖൈറുന്നിസാബി, വി.ടി. ഐശ്വര്യ, പി. നൂറുൽ ഫിദ, വി.പി. സരിത, പി. സിന്ധു, അശ്വതി വിശ്വൻ എന്നിവർ സംസാരിച്ചു.
