അർജുന്റെ ട്രക്കിൽ നിന്ന് മകന്റെ കളിപ്പാട്ടവും വാച്ചും മൊബൈൽ ഫോണുകളും ലഭിച്ചു.

അർജുന്റെ ട്രക്കിൽ നിന്ന് മകന്റെ കളിപ്പാട്ടവും വാച്ചും ബാഗും 2 മൊബൈൽ ഫോണുകളും ലഭിച്ചു. മകൻ ഉപയോഗിച്ചിരുന്ന കളിപ്പാട്ടം അർജുൻ വാഹനത്തിനുള്ളിൽ സൂക്ഷിച്ചിരുന്നു. അതാണ് ഇപ്പോൾ ലഭിച്ചതെന്ന് അർജുന്റെ സഹോദരൻ പറഞ്ഞു. അർജുന്റെ വസ്ത്രങ്ങളും ഉപയോഗിച്ചിരുന്ന പാത്രങ്ങളും മറ്റു സാധനങ്ങളും ട്രക്കിൽ നിന്ന് കണ്ടെത്തിയിട്ടുണ്ട്.

രാവിലെ പുതിയ ക്രെയിനെത്തിച്ചാണ് പുഴയിൽ നിന്ന് അർജുന്റെ ട്രക്ക് കരക്കെത്തിച്ചത്. ട്രക്കിൽ നിന്ന് കൂടുതൽ അസ്ഥികളും കണ്ടെത്തിയിരുന്നു.