എംഡിഎംഎയുമായി സീരിയല്‍ നടി പാര്‍വതി പിടിയില്‍
എംഡിഎംഎയുമായി പ്രമുഖ സീരിയല്‍ നടി പാര്‍വതി പിടിയില്‍. ചിറക്കര പഞ്ചായത്ത് ഒഴുകുപാറ കുഴിപ്പില്‍ ശ്രീനന്ദനത്തില്‍ ഷംനത്ത് (പാര്‍വതി-36) ആണ് അറസ്റ്റിലായത്. അറസ്റ്റിലായ നടിയെ ഇന്ന് കോടതിയില്‍ ഹാജരാക്കും. ഭര്‍ത്താവിനൊപ്പം യുവതി താമസിച്ചിരുന്ന വീട്ടില്‍ പൊലീസ് നടത്തിയ പരിശോധനയിലാണ് നടി അറസ്റ്റിലായത്.
മൂന്നു ഗ്രാം എംഡിഎംഎയും ഇവരുടെ വീട്ടില്‍ നിന്നും കണ്ടെത്തി. പരവൂര്‍ ഇന്‍സ്‌പെക്ടര്‍ ഡി. ദീപുവിനു ലഭിച്ച രഹസ്യ വിവരത്തിന്റെ അടിസ്ഥാനത്തിലാണ് പാര്‍വതി പിടിയിലായത്.
