പെരിയ കൊലക്കേസ്; 14 പ്രതികള്‍ കുറ്റക്കാര്‍, 10 പേരെ കോടതി കുറ്റവിമുക്തരാക്കി
പെരിയ കൊലക്കേസില്‍ 14 പ്രതികള്‍ കുറ്റക്കാരാണെന്ന് എറണാകുളം സി ബി ഐ കോടതി കണ്ടെത്തി. 10 പേരെ കോടതി കുറ്റവിമുക്തരാക്കി. ഒന്ന് മുതല്‍ എട്ട് വരെയുള്ള പ്രതികള്‍ക്കെതിരെ കൊലപാതക കുറ്റവും മറ്റുള്ളവര്‍ക്ക് എതിരെ തെളിവ് നശിപ്പിക്കല്‍ കുറ്റവും തെളിഞ്ഞതായി കോടതി വ്യക്തമാക്കി.
ആദ്യം ലോക്കല്‍ പോലീസും ക്രൈംബ്രാഞ്ചും അന്വേഷിച്ച കേസ് പിന്നീട് സി ബി ഐ ഏറ്റെടുക്കുകയായിരുന്നു. സി ബി ഐ പ്രതി ചേര്‍ത്ത 10 പേരില്‍ 6 പേരെ കോടതി കുറ്റവിമുക്തരാക്കി. പ്രതികള്‍ക്കുള്ള ശിക്ഷ ജനുവരി 3 ന് വിധിക്കും. കെ. മണികണ്ഠന്‍, കെ വി. കുഞ്ഞിരാമന്‍, രാഘവന്‍ വെളുത്തോളി, കെ. വി ഭാസ്‌കരന്‍ എന്നിവര്‍ക്ക് ശിക്ഷ വിധിക്കുന്നത് വരെ ജാമ്യത്തില്‍ തുടരാം. ആകെ 24 പേര്‍ പ്രതികളായ കേസില്‍ 14 പേര്‍ കുറ്റക്കാരാണെന്ന് കണ്ടെത്തുകയും 10 പേരെ കുറ്റവിമുക്തരാക്കുകയും ചെയ്തു.
കൃത്യത്തില്‍ നേരിട്ട് പങ്കെടുത്ത ആദ്യ 8 പ്രതികള്‍ക്കെതിരെ കൊലപാതക ഗൂഢാലോചന കുറ്റങ്ങള്‍ നിലനില്‍ക്കുമെന്ന് കോടതി കണ്ടെത്തി. ആദ്യം ലോക്കല്‍ പോലീസും ക്രൈംബ്രാഞ്ചും അന്വേഷിച്ച കേസ് പിന്നീട് സി ബി ഐ ഏറ്റെടുക്കുകയായിരുന്നു. സി ബി ഐ പ്രതി ചേര്‍ത്ത 10 പേരില്‍ 6 പേരെ കോടതി കുറ്റവിമുക്തരാക്കി 4 പേര്‍ കുറ്റക്കാരാണെന്ന് കണ്ടെത്തി.
എ. സുരേന്ദ്രന്‍, കെ.വി. കുഞ്ഞിരാമന്‍, രാഘവന്‍ വെളുത്തോളി, കെ.വി. ഭാസ്‌കരന്‍ എന്നിവരെയാണ് സി ബി ഐ പ്രതിചേര്‍ത്തവരില്‍ കുറ്റക്കാരാണെന്ന് കോടതി കണ്ടെത്തിയവര്‍. ക്രൈംബ്രാഞ്ച് പ്രതി ചേര്‍ത്ത 14 പേരില്‍ 4 പേര്‍ കുറ്റവിമുക്തരായി. ശിക്ഷയില്‍ പരമാവധി ഇളവ് നല്‍കണമെന്ന് പ്രതികള്‍ കോടതിയോട് അഭ്യര്‍ത്ഥിച്ചു.
