കണ്ടെയ്ൻമെൻ്റ് സോണിൽ ഓൺലൈൻ വിദ്യാഭ്യാസം തുടരും. മറ്റിടങ്ങിളിൽ തിങ്കളാഴ്ച മുതൽ സാധാരണ പോലെ
കോഴിക്കോട്: കണ്ടെയ്ൻമെൻ്റ് സോണിൽ ഓൺലൈൻ വിദ്യാഭ്യാസം തുടരും. മറ്റിടങ്ങിളിൽ തിങ്കളാഴ്ച മുതൽ സാധാരണ പോലെ. നിപ രോഗബാധ റിപ്പോർട്ട് ചെയ്തതിനേത്തുടർന്ന് അടച്ചിട്ട കോഴിക്കോട് ജില്ലയിലെ വിദ്യാഭ്യാസ സ്ഥാപനങ്ങൾ തിങ്കളാഴ്ചമുതൽ തുറന്ന് പ്രവർത്തിക്കും. കണ്ടെയ്ൻമെന്റ് സോണിൽ ഉൾപ്പെടാത്ത വിദ്യാഭ്യാസ സ്ഥാപനങ്ങളാണ് തിങ്കളാഴ്ച മുതൽ സാധാരണ നിലയിൽ പ്രവർത്തിക്കുക. കണ്ടെയ്ൻമെന്റ് സോണിലെ വിദ്യാഭ്യാസ സ്ഥാപനങ്ങളിൽ ഓൺലൈൻ പഠനം തുടരും.
കണ്ടെയ്ൻമെന്റ് സോണിൽ താമസിക്കുന്ന വിദ്യാർഥികൾക്ക് വിദ്യാലയങ്ങളിൽ പോകുന്നതിന് നിയന്ത്രണമുള്ളതിനാൽ ഇവർക്ക് ഓൺലൈൻ പഠന സൗകര്യം ഒരുക്കാൻ വിദ്യാഭ്യാസ സ്ഥാപനങ്ങൾക്ക് ജില്ലാ കളക്ടർ എ. ഗീത നിർദ്ദേശം നൽകി. മാസ്കും സാനിറ്റൈസറും ഉൾപ്പടെയുള്ള സുരക്ഷാക്രമീകരണങ്ങൾ പാലിച്ചു കൊണ്ടായിരിക്കുംവിദ്യാലയങ്ങൾ പ്രവർത്തിക്കുക.
