മത്സ്യതൊഴിലാളികൾക്ക് മൂടാടി ഗ്രാമ പഞ്ചായത്ത് വാട്ടർ ടാങ്കുകൾ വിതരണം ചെയ്തു

മൂടാടി: മത്സ്യതൊഴിലാളികൾക്ക് മൂടാടി ഗ്രാമ പഞ്ചായത്ത് വാട്ടർ ടാങ്കുകൾ വിതരണം ചെയ്തു. 2024-25 വാർഷിക പദ്ധതിയിൽ ഉൾപ്പെടുത്തിയാണ് ടാങ്ക് വിതരണം നടത്തിയത്. 33 അപേക്ഷകരാണുണ്ടായിരുന്നത്. പ്രസിഡൻ്റ് സി.കെ. ശ്രീകുമാർ വിതരണോത്ഘാടനം നടത്തി. വൈസ് പ്രസിഡൻ്റ് ഷീജപട്ടേരി അധ്യക്ഷത വഹിച്ചു.

സ്ഥിരംസമിതി ചെയർമാൻമാരായ എം.കെ. മോഹനൻ, എം.പി. അഖില, വാർഡ് മെമ്പർമാരായ കെ. സുമതി, ലതിക, സുമിത എന്നിവർ സംസാരിച്ചു. റഫീഖ് പുത്തലത്ത് സ്വാഗതവും ഫിഷറീസ് സബ് ഇൻസ്പെക്ടർ ജയപ്രകാശ് നന്ദിയും പറഞ്ഞു.