ചെങ്ങോട്ടുകാവ് ഈസ്റ്റ് യു പി സ്കൂൾ 113-ാം വാർഷികവും യാത്രയയപ്പും സംഘടിപ്പിച്ചു
ചെങ്ങോട്ടുകാവ്: 113-ാം വാർഷികവും മുപ്പത് വർഷത്തെ സേവനത്തിനു ശേഷം വിരമിക്കുന്ന കെ.കെ സുരേഷ് മാസ്റ്റർക്കുള്ള യാത്രയയപ്പിന്റെ ഭാഗമായി ജനകീയ നാടക പ്രവർത്തകൻ എം. നാരായണൻ മാസ്റ്ററെ ആദരിച്ചു. വാർഡ് മെമ്പർ തസ്ലീന നാസർ പരിപാടി ഉദ്ഘാടനം ചെയ്തു. പി.ടി.എ. പ്രസിഡണ്ട് എം. നിഷിത്ത് കുമാർ അദ്ധ്യക്ഷത വഹിച്ചു.
ഡോ: പ്രമോദ് സമീർ മുഖ്യതിഥിയായി. വാർഡ് മെമ്പർ കെ. രമേശൻ, രാമൻ മാസ്റ്റർ, BPC മധുസൂദനൻ, വികാസ് കെ എസ്, കെ കെ സുരേഷ് കുമാർ, ഷംജ വി കെ, മഞ്ജു മാധവൻ എന്നിവർ ആശംസകൾ അർപ്പിച്ച് സംസാരിച്ചു. ഹെഡ് മിസ്ട്രസ്സ് തേജസ്വി വിജയൻ സ്വാഗതവും ആശ ഉമേഷ് നന്ദിയും പറഞ്ഞു.
