കുടുംബശ്രീ നോർത്ത് സിഡിഎസിൻ്റെ നേതൃത്വത്തിൽ ക്ഷീരകർഷകരുടെ സംഗമം സംഘടിപ്പിച്ചു
കൊയിലാണ്ടി നഗരസഭ കുടുംബശ്രീ നോർത്ത് സിഡിഎസിൻ്റെ നേതൃത്വത്തിൽ ക്ഷീരകർഷകരുടെ സംഗമം കൊടക്കാട്ടു മുറി വീവൺ കലാസമിതി ഹാളിൽ നടന്നു. കൊയിലാണ്ടി നഗരസഭ ചെയർ പേഴ്സൺ സുധ കിഴക്കെപ്പാട്ട് ഉദ്ഘാടനം നിർവ്വഹിച്ചു.
ക്ഷേമകാര്യ സ്റ്റാൻഡിംഗ് കമ്മറ്റി ചെയർമാൻ കെ. ഷിജു മാസ്റ്റർ അധ്യക്ഷത വഹിച്ചു.
കൗൺസിലർ രമേശൻ വലിയാട്ടിൽ, ആരിഫ, നിഷ എന്നിവർ ആശംസകൾ നേർന്നു.
‘ക്ഷീരകർഷകർ അറിയാൻ’ എന്ന വിഷയത്തിൽ ഡോ. ഷഫ്ന മുഹമ്മദലി ക്ലാസെടുത്തു. ക്ഷീരകർഷകരായ പെരുങ്കുനി ശാന്ത അശോകൻ, താഴെ കൊന്നേങ്കണ്ടി ഷൈജു, കിഴക്കെ വീട്ടിൽ രാധ, പെരുങ്കുനി ഗോപാലൻ എന്നിവർക്ക് പൊന്നാടയും ഉപഹാരവും നൽകി ആദരിച്ചു. സിഡിഎസ് ചെയർപേഴ്സൺ ഇന്ദുലേഖ എം.പി. സ്വാഗതവും എഡിഎസ് ചെയർപേഴ്സൺ ബാവ കൊന്നേങ്കണ്ടി നന്ദിയും പറഞ്ഞു.
