താമരശേരി ചുരത്തിൽ കെഎസ്ആർടിസി ബസും ലോറിയും കൂട്ടിയിടിച്ച് അപകടം; ഗതാഗതം തടസപ്പെട്ടു
.
താമരശേരി ചുരത്തിൽ കെഎസ്ആർടിസി ബസും കണ്ടെയ്നർ ലോറിയും കൂട്ടിയിടിച്ച് അപകടം. ഇന്ന് രാവിലെയാണ് അപകടം ഉണ്ടായത്. ആരുടെയും പരുക്ക് ഗുരുതരമല്ല. അപകടത്തെ തുടർന്ന് ചുരത്തിൽ ഭാഗികമായി ഗതാഗതം തടസപ്പെട്ടു. ചുരം ആറ് – ഏഴ് വളവുകൾക്കിടയിൽ ഇന്ന് രാവിലെ 7.30 ഓടെയാണ് അപകടം നടന്നത്. പുൽപ്പള്ളിയിൽ നിന്ന് കോഴിക്കോടേക്ക് വരികയായിരുന്ന ബസ്സും വയനാട്ടിലേക്ക് പോകുകയായിരുന്ന ലോറിയും തമ്മിൽ കൂട്ടിയിടിക്കുകയായിരുന്നു.
അപകടത്തിൽ ബസ് യാത്രക്കാരായ 37 പേർക്ക് പരുക്കേറ്റു. ഇതിൽ രണ്ട് പേരെ കോഴിക്കോട് മെഡിക്കൽ കോളജിലും ബാക്കിയുള്ളവരെ താമരശ്ശേരി താലൂക്ക് ആശുപത്രിയിലും പ്രവേശിപ്പിച്ചു. ആരുടേയും പരുക്ക് ഗുരുതരമല്ലെന്നാണ് വിവരം. അതേസമയം അപകടത്തെ തുടർന്ന് താമരശ്ശേരി ചുരത്തിൽ ഭാഗിമായി ഗതാഗതം തടസപ്പെട്ടു. വൺവേ ആയി വാഹനങ്ങൾ കടത്തി വിടുന്നുണ്ട്.
Advertisements
