കൊരയങ്ങാട് തെരു ഭഗവതി ക്ഷേത്രത്തിലെ താലപ്പൊലി മഹോത്സവം ജനുവരി 26 ന് കൊടിയേറും
കൊയിലാണ്ടി: പ്രസിദ്ധമായ കൊരയങ്ങാട് തെരു ഭഗവതി ക്ഷേത്രത്തിലെ താലപ്പൊലി മഹോത്സവത്തിന് ഒരുക്കങ്ങൾ പൂർത്തിയായതായി ഭാരവാഹികൾ വാർത്താസമ്മേളത്തിൽ അറിയിച്ചു. ഉത്സവനാളുകളിൽ ഏഴ് ദിവസവും നടക്കുന്ന നാന്ദകം എഴുന്നള്ളിപ്പ് ക്ഷേത്രത്തിന്റെ പ്രത്യേകതയാണ്. 26 മുതൽ ഫിബ്രവരി 2 വരെയാണ് മഹോത്സവം. 26 ന് ക്ഷേത്രം തന്ത്രി നരിക്കിനി എടമന ഇല്ലം മോഹനൻ നമ്പൂതിരിയുടെയും മേൽശാന്തി ചെറുപുരയിൽ മനോജിന്റെയും കാർമികത്വത്തിൽ മഹാഗണപതി ഹോമവും, ശുദ്ധികലശത്തിനു ശേഷം 9 – 10 നുള്ളിൽ കൊടിയേറും.
തുടർന്ന് കലവറ നിറയ്ക്കൽ, വൈകീട്ട് 5 മണി ചോമപ്പന്റെ കാവുകയറ്റം, കുടവരവ്, രാത്രി 7 മണി നവരംഗ് കുരുന്നന്റെ തായമ്പക, വിഷ്ണു കൊരയങ്ങാട്, കലാമണ്ഡലം ഹരികൃഷ്ണന്റെയും ഇരട്ടതായമ്പക, രാത്രി 10 മണിക്ക് വില്ലെഴുന്നള്ളിപ്പ്, 12 മണി ചോമപ്പന്റെ പാടി തേരേൽക്കൽ. പുലർച്ചെ 1 മണിക്ക് നാന്ദകം എഴുന്നള്ളിപ്പ്, ചോമപ്പന്റെ തിരിയുഴിച്ചിൽ. 27 -1- 25ന് രാവിലെ 8 മണിക്കും, വൈകീട്ട് 5 മണിക്കും ശീവേലി, രാത്രി 7 മണിക്ക് ക്ഷേത്ര വനിതാ കമ്മിറ്റി ഒരുക്കുന്ന മെഗാ തിരുവാതിര, തിരുവാതിര, കൈകൊട്ടികളി, മിഥുൻ പയറ്റുവളപ്പിലിന്റെ തായമ്പക, രാത്രി. 10 മണി നാന്ദകം എഴുന്നള്ളിപ്പ്. ചോമപ്പന്റെ തിരിയുഴിച്ചിൽ.
28 .1-25-ന് രാവിലെ 8നും, വൈകീട്ട് 5 നും ശീവേലി, വൈകു 5 മണിക്ക് ആഘോഷ വരവ്. കോതമംഗലം അയ്യപ്പ ക്ഷേത്രത്തിൽ നിന്നും ആരംഭിക്കുന്നു. 6.45 കെ.എം.പി ഭദ്രയുടെ സോപാന സംഗീതം, 8 മണിക്ക് തായമ്പക. 10 മണിക്ക് നാന്ദകം എഴുന്നള്ളിപ്പ്, ചോമപ്പന്റെ തിരിയുഴിച്ചിൽ. 29 ന് രാവിലെ 8നും, വൈകീട്ട് 5 നും ശീവേലി, 6.45 തായമ്പക, നിഖിൽ അർജുൻ, രാത്രി7 ന് രാഗ തരംഗ്, ഗാനമേള, രാത്രി 10 ന് നാന്ദകം എഴുന്നള്ളിപ്പ്, ചോമപ്പന്റെ തിരിയുഴിയിൽ 30 -1- 25ന് ചെറിയ വിളക്ക്. രാവിലെ 8 നും, വൈകീട്ട് 5നും ശീവേലി. ഉച്ചയ്ക്ക് 12 മുതൽ സമൂഹസദ്യ. ഭക്തിഗാനമേള, 7 മണിക്ക് മേ ഹുൽ സജീവിന്റെ തായമ്പക, ചെറുതാഴം വിഷ്ണു രാജ്, സദനം അശ്വിൻ മുരളി ഇരട്ട തായമ്പക, 7 മണിക്ക് നാടകം മിഠായി തെരുവ്, രാത്രി 10 മണി നാന്ദകം എഴുന്നളിപ്പ്, ചോമപ്പന്റെ തിരിയുഴിച്ചിൽ.
31ന് വലിയ വിളക്ക്. രാവിലെ 8 മണിക്ക് ശീവേലി, 5 മണിക്ക് കാഴ്ച ശീവേലി, 7 മണിക്ക് മട്ടന്നൂർ ശ്രീരാജ് മാരാർ, ചിറയ്ക്കൽ നിധീഷ് മാരാർ ഇരട്ട തായമ്പക, രാത്രി 8 മണിക്ക് പ്രദേശിക കലാകാരൻമാരുടെ വിവിധ പരിപാടികൾ മൃദങ്കം 2025, പുലർച്ചെ 2 മണിക്ക് നാന്ദകം എഴുന്നള്ളിപ്പ് രണ്ട് പന്തി മേളത്തോടെ കാഞ്ഞിലശ്ശേരി പത്മനാഭൻ, സന്തോഷ് കൈലാഷിന്റെ നേതൃത്വത്തിൽ കൊരയങ്ങാട് ക്ഷേത്ര വാദ്യ സംഘത്തിന്റെ നൂറിൽപരം കലാകാരൻമാർ അണിനിരക്കുന്നു. ചോമപ്പന്റെ തിരിയുഴിച്ചിൽ.
1-2. 25 ന് താലപ്പൊലി. രാവിലെ 10 മണിക്ക് ആനയൂട്ട് ഗജറാണി മാരും ഗജവീരൻമാരും അണിനിരക്കുന്നു. വൈകുന്നേരം 4 മണിക്ക് കേളിക്കൊട്ട്. 6 മണിക്ക് താലപ്പൊലി എഴുന്നളളിപ്പ്. പ്രശസ്തരായ നൂറിൽപരം വാദ്യകലാകാരൻമാർ അണിനിരക്കുന്ന പാണ്ടിമേളത്തോടെ തുടർന്ന് മഞ്ഞ താലപ്പൊലി. ചോമപ്പന്റെ തിരിയുഴിച്ചിൽ. 2-2-25 ന് രാവിലെ തുലാഭാരം. 1 മണിക്ക് ഗുരുതി തർപ്പണം, വൈകുന്നേരം 5 മണി കുളിച്ചാറാട്ട്, ആന്തട്ട ക്ഷേത്രത്തിൽ നിന്നും പഞ്ചവാദ്യത്തോടെ ക്ഷേത്രത്തിൽ തിരിച്ചെത്തുന്നതോടെ ഉത്സവം സമാപിക്കും, പത്രസമ്മേളനത്തിൽ ഒ.കെ. ബാലകൃഷ്ണൻ, കെ.കെ. വിനോദ്, വി. മുരളീകൃഷ്ണൻ, റയേഷ് ബാബു, ടി.എം. രവി, പി.കെ ശശി, ഇ.കെ. രാഗേഷ്, ബിജു പുത്തൻ പുരയിൽ, തുടങ്ങിയവർ പങ്കെടുത്തു ക്ഷേത്ര ഉത്സവം പൂർണ്ണമായും ഇൻഷൂർ ചെയ്തതായി ഭാരാവാഹികൾ പറഞ്ഞു.
