കേരള എൻജിഒ അസോസിയേഷൻ ഉമ്മൻ ചാണ്ടി അനുസ്മരണ സദസ് സംഘടിപ്പിച്ചു
കൊയിലാണ്ടി: കൊയിലാണ്ടിയിൽ കേരള എൻജിഒ അസോസിയേഷൻ ഉമ്മൻ ചാണ്ടി അനുസ്മരണ സദസ് സംഘടിപ്പിച്ചു. കേരള എൻജിഒ അസോസിയേഷൻ സംസ്ഥാന സെക്രട്ടറിയേറ്റ് അംഗം ബിനു കോറോത്ത് ഉദ്ഘാടനം ചെയ്തു. ജനങ്ങൾക്കു വേണ്ടി ജനങ്ങളുടെ ഇടയിൽ ജീവിച്ച് നിരാശ്രരുടെ കണ്ണീർ ഒപ്പിയ ജനനേതാവായിരുന്നു ഉമ്മൻ ചാണ്ടി എന്ന് ബിനു കോറോത്ത് അഭിപ്രായപ്പെട്ടു. സർക്കാർ ജീവനക്കാരുടെയും അധ്യാപകരുടെയും ആവശ്യങ്ങൾ കണ്ടറിഞ്ഞ് പരിഹാരം കാണുന്ന ദീർഘദർശിയായിരുന്നു അദ്ദേഹം. ഉമ്മൻ ചാണ്ടിയുടെ ഭരണകാലം ജീവനക്കാരുടെ സുവർണ്ണ കാലഘട്ടമായിരുന്നു.
ബ്രാഞ്ച് പ്രസിഡണ്ട് പ്രദീപ് സായ് വേൽ അധ്യക്ഷത വഹിച്ചു. സംസ്ഥാന കമ്മറ്റി അംഗം വി. പ്രതീഷ് മുഖ്യപ്രഭാഷണം നടത്തി. സംസ്ഥാന കൗൺസിൽ അംഗം ഷാജി മനേഷ് എം, പങ്കജാക്ഷൻ എം, രജീഷ് ഇ. കെ, ഗീത പി.ടി, ദിജീഷ് കുമാർ, അനിൽ കുമാർ മരക്കുളം, ടി. വി. സന്തോഷ് കുമാർ എന്നിവർ സംസാരിച്ചു.
