കാഞ്ഞിലശ്ശേരിയിൽ ശിവരാത്രി മഹോത്സവത്തിന് കൊടിയേറി
കാഞ്ഞിലശ്ശേരി മഹാ ശിവ ക്ഷേത്രത്തിലെ ശിവരാത്രി മഹോത്സവത്തിന് കൊടിയേറി. തന്ത്രി ബ്രഹ്മശ്രീ മേൽപ്പള്ളി മനയ്ക്കൽ ഉണ്ണികൃഷ്ണൻ അടിതിരിപ്പാട് മുഖ്യ കാർമ്മികത്വം വഹിച്ചു. തുടർന്ന് പുത്തൂർ മാതൃ സമിതി തിരുവാതിരക്കളി അവതരിപ്പിച്ചു.
- 14ന് കലാമണ്ഡലം മാണി വാസുദേവ ചാക്യാരും സംഘവും അവതരിപ്പിക്കുന്ന മത്ത വിലാസം കൂത്ത് സംരംഭം, കാലത്ത് നടക്കുന്ന കാഴ്ചശീവേലിയ്ക്ക് കലാമണ്ഡലം ശിവദാസും വൈകീട്ട് മുചുകുന്ന് ശശി മാരാരും മേളപ്രമാണം നിർവ്വഹിക്കും. രാത്രി 7 ന് വിനീത് കാഞ്ഞിലശ്ശേരിയും സരുൺ മാധവും ചേർന്നൊരുക്കുന്ന ഇരട്ടത്തായമ്പക.
- 15 ന് ഉത്സവബലി, ഗാനാമൃതം, മെഗാതിരുവാതിര, കാഞ്ഞിലശ്ശേരി പത്മനാഭനും മേള കലാരത്നം സന്തോഷ് കൈലാസും ചേർന്നൊരുക്കുന്ന ഇരട്ടത്തായമ്പക. രാത്രി 8 മുതൽ നാരാജ കാഞ്ഞിലശ്ശേരി ഒരുക്കുന്ന നടന രാവ്. 9 മണി മുതൽ നാട്യധാര തിരുവങ്ങൂർ ഒരുക്കുന്ന നൃത്തനൃത്യങ്ങൾ ശിവദം.
- 16ന് ആഘോഷ വരവുകൾ, വൈകീട്ട് 5 ന് മൃത്യുഞ്ജയ പുരസ്ക്കാര സമർപ്പണം, വാദ്യ പ്രതിഭകൾക്ക് നാദ ജ്യോതി ആദരപത്രം സമർപ്പണം, രാത്രി 7 ന് കാഞ്ഞിലശ്ശേരി വിനോദ് മാരാരും കാഞ്ഞിലശ്ശേരി വിഷ്ണു പ്രസാദും ചേർന്നൊരുക്കുന്ന ഇരട്ടത്തായമ്പക. രാത്രി 8 ന് ഗാനമേള.
- 17 ന് സർവ്വൈശ്വര്യ പൂജ, ആനയൂട്ട്, ഗാനമഞ്ജരി, സമൂഹ സദ്യ, മലക്കെഴുന്നെള്ളിപ്പ്, ഗാനാഞ്ജലി, മടക്കെഴുന്നെള്ളിപ്പ്, ആലിൻ കീഴ് മേളം, നൃത്ത സമർപ്പണം.
- 18 ന് മഹാശിവരാത്രി ദിനത്തിൽ സർവ്വൈശ്വര്യ പൂജ, സഹസ്ര കുംഭാഭിഷേകം ചതു: ശ്ശതപ്പായസ നിവേദ്യം. ഒറ്റക്കോൽ പഞ്ചാരിമേളത്തോടെ കാഴ്ചശീവേലി, പ്രബന്ധക്കൂത്ത് , ഓട്ടൻതുള്ളൽ, പ്രസാദ ഊട്ട്, ഭക്തി ഗാനാമൃതം, ശയന പ്രദക്ഷിണം, നാദരഞ്ജിനി, കലാമണ്ഡലം ശിവദാസും റിജിൽ കാഞ്ഞിലശ്ശേരിയും ഒരുക്കുന്ന ഇരട്ടത്തായമ്പക,
- 19 ന് പള്ളിവേട്ട
- 20 ന് കുളിച്ചാറാട്ടോടെ ഉത്സവം സമാപിക്കും. ഉത്സവ നഗരിയിൽ മലബാർ എന്റർടെയ്ൻമെന്റ് മെഗാ കാർണിവൽ നടക്കും.
