ബാഗിൽ ബോംബാണെന്ന് മറുപടി: നെടുമ്പാശേരിയിൽ യാത്രക്കാരൻ പിടിയിൽ
കൊച്ചി: ബാഗേജിൽ ബോംബാണെന്ന് മറുപടി നൽകിയ യാത്രക്കാരൻ നെടുമ്പാശേരി വിമാനത്താവളത്തിൽ പിടിയിൽ. ബുധനാഴ്ച രാത്രി 11.30ന് കോലാലംപൂരിലേക്ക് പുറപ്പെട്ട തായ് എയർ വിമാനത്തിൽ യാത്ര ചെയ്യാനെത്തിയ കോഴിക്കോട് സ്വദേശി റഷീദാണ് പിടിയിലായത്. ഇയാളുടെ യാത്ര മുടങ്ങുകയും ചെയ്തു. ബാഗേജിൽ എന്താണെന്ന് ചോദിച്ചത് ഇഷ്ടപ്പെടാതെയിരുന്ന യാത്രക്കാരൻ ബോംബാണെന്ന് മറുപടി നൽ‌കുകയായിരുന്നു.
നിശ്ചിത തൂക്കത്തിലും അധികം കണ്ടതോടെയാണ് യാത്രക്കാരനോട് ബാഗിലെന്താണെന്ന് ചോദിച്ചത്. ബോംബുണ്ടെന്ന് മറുപടി നൽകിയതോടെ ഉദ്യോഗസ്ഥർ പൊലീസിനെ വിവരമറിയിക്കുകയായിരുന്നു. നെടുമ്പാശേരി പൊലീസ് യാത്രക്കാരന്റെ അറസ്റ്റ് രേഖപ്പെടുത്തി.
