പുനരുദ്ധാരണ പ്രവർത്തനത്തിൻ്റെ ഭാഗമായി മരളൂർ ക്ഷേത്രത്തിൽ കിഴി സമർപ്പണം നടത്തി
കൊയിലാണ്ടി: മരളൂർ മഹാദേവ ക്ഷേത്രത്തിൽ കിഴി സമർപ്പണം നടന്നു. അൻപത് ലക്ഷം രൂപ ചിലവഴിച്ച് നടക്കുന്ന പുനരുദ്ധാരണ പ്രവർത്തനത്തിൻ്റെ കിഴി സമർപ്പണം പിഷാരികാവ് ദേവസ്വം മുൻ ട്രസ്റ്റി ബോർഡ് ചെയർമാൻ ഇളയിടത്ത് വേണുഗോപാൽ ഉദ്ഘാടനം ചെയ്തു. ട്രസ്റ്റി ബോർഡ് ചെയർമാൻ അട്ടാളി കൃഷ്ണൻനായർ ആദ്ധ്യക്ഷത വഹിച്ചു.
എടമന ഉണ്ണികൃഷ്ണൻ നമ്പൂതിരി മുഖ്യപ്രഭാഷണം നടത്തി. പുനരുദ്ധാരണ കമ്മിറ്റി സെക്രട്ടറി കലേക്കാട്ട് രാജമണി ടീച്ചർ, ഒ ഗോപാലൻ നായർ, വാർഡ് കൗൺസിലർ എൻ.ടി. രാജീവൻ, ട്രസ്റ്റി നൻമന ഉണ്ണിനായർ വാകയാട്, ജോ സെക്രട്ടറി ഗീരീഷ് പുതുക്കുടി എന്നിവർ പ്രസംഗിച്ചു.
