9 വയസ്സുകാരിയെ ലൈംഗികമായി ഉപദ്രവിച്ച പ്രതിക്ക് 5 വർഷം കഠിന തടവും പിഴയും
കൊയിലാണ്ടി: 9 വയസ്സുകാരിയെ ലൈംഗികമായി ഉപദ്രവിച്ച പ്രതിക്ക് അഞ്ചു വർഷം കഠിന തടവും, ഇരുപത്തിഅയ്യായിരം രൂപ പിഴയും വിധിച്ചു. പയ്യോളി പടിഞ്ഞാറെ മൂപ്പിച്ചതിൽ വീട്ടിൽ അബൂബക്കർ (65) നാണ് കൊയിലാണ്ടി ഫാസ്റ്റ് ട്രാക്ക് സ്‌പെഷ്യൽ കോടതി ജഡ്ജ് നൗഷാദലി കെ, പോക്സോ നിയമ പ്രകാരം ശിക്ഷ വിധിച്ചത്.
.
.
2022 ൽ ആണ് കേസിനാസ്പദമായ സംഭവം, നടന്നത്. പ്രതിയുടെ വീട്ടിൽ കളിക്കാൻ പോയ കുട്ടിയെ പ്രതി ലൈംഗികമായി ഉപദ്രവിക്കുകയായിരുന്നു. പിന്നീട് കുട്ടി വിവരം ഉമ്മയോട് പറഞ്ഞതിനെ തുടർന്നു പയ്യോളി സ്റ്റേഷനിൽ പരാതി നൽകി. പയ്യോളി പോലീസ് രജിസ്റ്റർ ചെയ്ത കേസ് സബ്ബ് ഇൻസ്‌പെക്ടർ ശ്രീജേഷ് എസ് എസ് ആണ് അന്വേഷിച്ചത്, പ്രോസീക്യൂഷനു വേണ്ടി അഡ്വ. പി ജെതിൻ ഹാജരായി.
