മോഷണ കേസ്സുകളിലും അടിപിടി കേസ്സുകളിലും ഉൾപ്പെട്ട പ്രതിയെ KAAPA ചുമത്തി ജയിലിലടച്ചു
മോഷണ കേസ്സുകളിലും അടിപിടി കേസ്സുകളിലും ഉൾപ്പെട്ട പ്രതിയെ KAAPA ചുമത്തി ജയിലിലടച്ചു. കോഴിക്കോട് പന്നിയങ്കര സ്വദേശി ചക്കുംകടവ് എം.പി ഹൗസിൽ മുഹമ്മദ് ഷിഹാൽ (20)എന്നയാളെയാണ് കാപ്പ ചുമത്തി ജയിലിലടച്ചത്. മോഷണം ഒരു കൈത്തൊഴിലാക്കി മാറ്റുകയും സാമൂഹ്യ വിരുദ്ധ പ്രവർത്തനങ്ങളിൽ ഏർപ്പെട്ടുവരുന്ന ആളുകളുമായി കൂടിച്ചേർന്ന് സംഘശക്തിയായും ഒറ്റയ്ക്കും വിലകൂടിയ മുതലുകളും പണവും ഇരുചക്ര വാഹനങ്ങളും മോഷണം നടത്തുകയും ചെയ്തതിന് ഇയാളുടെ പേരില്‍ നിരവധി കേസുകളും,
കോഴിക്കോട് മലപ്പുറം പോലീസ് സ്റ്റേഷൻ പരിധികളിലെ കൊയിലാണ്ടി, കൊടുവള്ളി, മഞ്ചേരി, എലത്തൂർ ,മെഡിക്കൽ കോളേജ്, ഫറോക്ക്, ടൗൺ, മാറാട് ,പന്തീരങ്കാവ് ,കൊണ്ടോട്ടി ,അരീക്കോട്, നല്ലളം ,ചേവായൂർ നടക്കാവ് എന്നീ സ്റ്റേഷനുകളിലായി, മാരകായുധങ്ങൾ ഉപയോഗിച്ചും ദേഹോപദ്രവം ഏൽപ്പിക്കുക, തുടങ്ങിയ കാര്യത്തിനായി പ്രതിക്ക് ഇരുപത്തി രണ്ടോളം കേസ്സുകൾ നിലവിലുണ്ട്.
.
.
വീടുകളിലും റോഡരികിലും നിർത്തിയിട്ട ഇരു ചക്രവാഹനങ്ങളും, നിർത്തിയിട്ട വാഹനങ്ങളിൽ നിന്നും വിലപിടിപ്പുള്ള ഫോണുകളും പേഴ്സും, അമ്പലങ്ങളുടെ ഭണ്ഡാരം പൊളിച്ചു മോഷണം നടത്തുക എന്നിങ്ങനെയാണ് പ്രതിയുടെ രീതി. പ്രായപൂർത്തിയാകുന്നതിനു മുൻപ് മൂന്ന് കേസുകളിലും തുടർന്ന് മൂന്നുവർഷത്തിനുള്ളിൽ 22 ഓളം കേസുകളിൽ ഉൾപ്പെട്ടത് വളരെയേറെ ഗൗരവകരമാണ്.
.
.
ഗുരുതര കുറ്റകൃത്യങ്ങൾ ചെയ്ത് പൊതു സമൂഹത്തിന് ഭീഷണിയാവുകയും, തുടർച്ചയായി മയക്കുമരുന്ന് കേസുകളിലും, അടിപിടി കേസ്സുകളിലും മോഷണ കേസ്സുകളിലും ഉൾപ്പെട്ടുവരുന്ന പ്രതിക്കെതിരെ ഫറോക്ക് അസി: കമ്മീഷണറുടെ നിയമനടപടി ക്രമം പ്രകാരം നല്ല നടപ്പിനുള്ള നടപടി സ്വീകരിക്കുന്നതിൻെറ ഭാഗമായി റിപ്പോർട്ട് തയ്യാറാക്കി കോഴിക്കോട് സബ് ഡിവിഷണൽ മജിസ്ട്രേറ്റ് കോടതിയിൽ റിപ്പോർട്ട് സമർപ്പിച്ചിരുന്നതും, പ്രസ്തുത റിപ്പോർട്ടിനെ തുടർന്ന് സബ് ഡിവിഷണൽ കോടതി ഒരു വർഷക്കാലത്തെക്കുള്ള നല്ല നടപ്പ് ജാമ്യത്തിൽകഴിയവെ വീണ്ടും കുറ്റകൃത്യങ്ങളിൽ ഏർപ്പെട്ടതിനെ തുടർന്നാണ് പന്നിയങ്കര പോലീസ് KAAPA നടപടി സ്വീകരിച്ചത്.
.
അറിയപ്പെടുന്ന റൌഡിയായ പ്രതിക്കെതിരെ പന്നിയങ്കര പോലീസ് സ്റ്റേഷൻ ഇൻസ്പെക്ടർ നൽകിയ പ്രാഥമിക റിപ്പോർട്ട് പ്രകാരം കോഴിക്കോട് സിറ്റി പോലീസ് കമ്മിഷണർ സമർപ്പിച്ച ശുപാർശയിലാണ് കോഴിക്കോട് ജില്ലാ കളക്ടർ KAAPA ഉത്തരവ് പുറപ്പെടുവിച്ചതിൽ പ്രകാരം പ്രതിയെ അറസ്റ്റ് ചെയ്തു കണ്ണൂർ സെൻട്രൽ ജയിലിലേക്ക് മാറ്റിയിട്ടുള്ളതാണ്.
