എ.സി. ഷണ്മുഖദാസ് പുരസ്കാരം ബിനോയ് വിശ്വത്തിന്
![](https://koyilandydiary.com/wp-content/uploads/2024/06/32-17-1024x943.jpg)
എ.സി. ഷണ്മുഖദാസിന്റെ പേരില് ഏര്പ്പെടുത്തിയ മാതൃകാ പൊതുപ്രവര്ത്തകനുള്ള 2023-ലെ പുരസ്ക്കാരം സി.പി.ഐ സംസ്ഥാന സെക്രട്ടറി ബിനോയ് വിശ്വത്തിന്. പൊതുപ്രവര്ത്തന രംഗത്ത് മാന്യമായ ഇടപെടലുകളോടെ സജീവ സാന്നിധ്യമായി മാറാന് കഴിഞ്ഞ ദീര്ഘകാലം എം.എല്.എയും മന്ത്രിയുമായിരുന്നു എ.സി.ഷണ്മുഖദാസ്.
![](https://koyilandydiary.com/wp-content/uploads/2022/09/SPECIALITY-AD-WIDE.jpg)
ഷണ്മുഖദാസ് പഠനകേന്ദ്രം ചുമതലപ്പെടുത്തിയ പി. സുധാകരന് മാസ്റ്റര്, അഡ്വ. പി.ചാത്തുക്കുട്ടി, ഇ. ബേബി വാസന് മാസ്റ്റര് എന്നിവരടങ്ങിയ കമ്മിറ്റിയാണ് ബിനോയ് വിശ്വത്തിന്റെ പേര് പുരസ്കാരത്തിനായി ശുപാര്ശ ചെയ്തത്. പൊതുപ്രവര്ത്തന രംഗത്ത് പുലര്ത്തുന്ന സത്യസന്ധത, ദേശീയ-ജനാധിപത്യ-മതേതര മൂല്യങ്ങളോടുള്ള പ്രതിബദ്ധത എന്നിവ മാനദണ്ഡമാക്കിയാണ് പുരസ്ക്കാര ജേതാവിനെ തിരഞ്ഞെടുത്തത്.
![](https://koyilandydiary.com/wp-content/uploads/2022/09/IMG-20240611-WA0019.jpg)
ദേശീയ പ്രസ്ഥാനത്തിന്റെ മുന് നിര നേതാക്കളില് പ്രധാനി ആയിരുന്ന സി. കെ.ഗോവിന്ദന് നായരുടെ 61-ാം ചരമവാര്ഷികവും എ.സി.ഷണ്മുഖദാസിന്റെ 11-ാം ചരമ വാര്ഷികവും ഒന്നിച്ചു വരുന്ന 2024 ജൂണ് 27-ന് വ്യാഴാഴ്ച്ച വൈകുന്നേരം 3 മണിയ്ക്ക് കോഴിക്കോട് ടൗണ് ഹാളില് നടക്കുന്ന സി.കെ.ജി, എ.സി. ഷണ്മുഖദാസ് അനുസ്മരണ സമ്മേളനത്തില് എന്.സി.പി. (എസ്) സംസ്ഥാന പ്രസിഡന്റ് ശ്രീ. പി.സി. ചാക്കോ പുരസ്ക്കാരം നല്കും. എ.സി.ഷണ്മുഖദാസ് പഠനകേന്ദ്രം ചെയര്മാനും വനം -വന്യ ജീവി സംരക്ഷണ വകുപ്പ് മന്ത്രിയുമായ എ.കെ. ശശീന്ദ്രന് ചടങ്ങില് അധ്യക്ഷത വഹിക്കും.
![](https://koyilandydiary.com/wp-content/uploads/2022/09/shobika-box.jpg)
![](https://koyilandydiary.com/wp-content/uploads/2022/09/IMG-20240613-WA0139.jpg)