ശ്രീനാരായണഗുരു ഓപ്പണ്‍ യൂണിവേഴ്സിറ്റി സംസ്ഥാന കലോത്സവത്തിന് സാഹിത്യ നഗരിയില്‍ വര്‍ണാഭമായ തുടക്കം
.
കോഴിക്കോട്: ശ്രീനാരായണഗുരു ഓപ്പണ്‍ യൂണിവേഴ്സിറ്റി 2-ാമത് സംസ്ഥാന കലോത്സവത്തിന് സാഹിത്യ നഗരിയില്‍ നിറപ്പകിട്ടാര്‍ന്ന തുടക്കം. മീഞ്ചന്ത ഗവ. ആര്ട്സ് ആന്റ് സയന്‍സ് കോളജിലെ മുഖ്യവേദിയായ എംടി നഗറില്‍ നടന്ന ചടങ്ങില്‍ പ്രശസ്ത ഗാന രചയിതാവ് പത്മശ്രീ കൈതപ്രം ദാമോദരന്‍ നമ്പൂതിരി ഭദ്രദീപം കൊളുത്തി ഉദ്ഘാടനം നിര്‍വ്വഹിച്ചു. മത്സരമാവാതെ കലോത്സവങ്ങള്‍ ഉത്സവമാകട്ടെയെന്ന് കൈതപ്രം പറഞ്ഞു. ലഹരി മാഫിയ വലവീശി കാത്തിരിക്കുന്ന കാലമാണിത്. അതില്‍ അകപ്പെടാതെ നോക്കണം. പകരം സ്‌നേഹത്തിന്റേയും സംഗീതത്തിന്റേയും, നന്മയുടേയും ലഹരി നുണയാന്‍ പുതു തലമുറ തയ്യാറാവണമെന്ന് അദ്ദേഹം പറഞ്ഞു. ശ്രീ നാരായണ ഗുരു ഓപ്പണ്‍ യൂണിവേഴ്സിറ്റി വൈസ് ചാന്‍സിലര്‍ ഡോ. ജഗതി രാജ് വി. പി അധ്യക്ഷത വഹിച്ചു.
നിലമ്പൂര്‍ ആയിഷ ചടങ്ങില്‍ മുഖ്യാതിഥിയായി. ഡോ. ജെ. പ്രസാദ് (മുന്‍ വിസി ശങ്കരാചാര്യ സംസ്‌കൃത സര്‍വ്വകലാശാല), ശ്രീ നാരായണ ഗുരു ഓപ്പണ്‍ യൂണിവേഴ്സിറ്റി സിന്റിക്കേറ്റ് അംഗങ്ങളായ അഡ്വ. വി.പി പ്രശാന്ത്, ഡോ. എ. ബാലകൃഷ്ണന്‍, ഡോ. എം. ജയപ്രകാശ്, അഡ്വ. ജി സുഗുണൻ എന്നിവര്‍ സംസാരിച്ചു.
നേരത്തെ തെയ്യത്തിന്റേയും വാദ്യ മേളങ്ങളുടേയും അകമ്പടിയോടെ കലോത്സവ വിളംബര ജാഥ പന്നിയങ്കരയില്‍ നിന്ന് ആരംഭിച്ച് ആർട്‌സ് കോളജില്‍ സമാപിച്ചു. കൗമാരക്കാരും യുവാക്കളും വയോജനങ്ങളും ഒരേ മനസോടെ മാറ്റുരയ്ക്കുന്ന വേറിട്ട കലോത്സവമാണിത്. മൂന്ന് ദിവസങ്ങളിലായി നടക്കുന്ന മത്സരങ്ങളില്‍ ഏഴ് വേദികളിലായി 1500 പേര്‍ പങ്കെടുക്കുന്നുണ്ട്.
ഒന്നാം ദിനം പിന്നിട്ടപ്പോള്‍ 43 പോയിന്റുമായി കൊല്ലം റീജിയണല്‍ സെന്റര്‍ മുന്നിട്ട് നില്‍ക്കുന്നു. 41 പോയിന്റോടുകൂടി പട്ടാമ്പി റീജിയണല്‍ സെന്റര്‍ രണ്ടാം സ്ഥാനത്തും 26 പോയന്റുമായി കോഴിക്കോട് റീജണല്‍ സെന്റര്‍ മൂന്നാം സ്ഥാനത്തുമാണ്.
സിന്റിക്കേറ്റ് അംഗവും ജനറൽ കൺവീനറുമായ ഡോ. സി. ഉദയകല സ്വാഗതവും പ്രോഗ്രാം കമ്മറ്റി കണ്‍വീനര്‍ ഡോ. പ്രദീപ് കുമാര്‍ നന്ദിയും പറഞ്ഞു.
മറ്റു മത്സരങ്ങളില്‍ ഒന്നാം സ്ഥാനം നേടിയവര്‍:
കവിതാ രചന (മലയാളം) രാഹുല്‍ ആര്‍. (ഗവ. വിക്ടോറിയാ കോളേജ്, പാലക്കാട്)
കവിതാ രചന (ഇംഗ്ലീഷ്) : ഫാത്തിമ അസ്ന പി. എ. (ശ്രീ. സി അച്യുത മേനോന്‍ ഗവണ്മെന്റ് കോളേജ്, കുട്ടനെല്ലൂര്‍, തൃശൂര്‍).
കവിതാ രചന (ഹിന്ദി) : അഷിത അനില്‍ കെ. (ഗവ. കോളേജ്, വിദ്യാനഗര്‍).
കവിതാ രചന (അറബിക്) : മുഹമ്മദ് ഉമൈര്‍ പി.
കവിതാ രചന (തമിഴ്) : ഇന്ദിര എ. (ഗവ. സംസ്‌കൃത കോളേജ്, തിരുവനന്തപുരം).
ഉപന്യാസ രചന (അറബിക്) : നൂര്‍ജഹാന്‍ (എന്‍. എം. എസ്. എം കല്‍പ്പറ്റ) 2
ഉപന്യാസ രചന (ഹിന്ദി) : മുഹമ്മദ് ഫായിസ് (എസ്.എന്‍.ജി.എസ് കോളേജ്, പട്ടാമ്പി)
ഉപന്യാസ രചന (തമിഴ്) : സലീം എം. കെ. (എസ്.എന്‍.ജി.എസ് പട്ടാമ്പി)
ഉപന്യാസ രചന (ഇംഗ്ലീഷ്) : അര്‍ച്ചന ആര്‍. (ശ്രീശങ്കരാ കോളേജ്, കാലടി)
ഉപന്യാസ രചന (മലയാളം) : സുധീഷ് എ. (മഹാരാജാസ് കോളേജ്, എറണാകുളം)
ചെറുകഥാരചന (ഇംഗ്ലീഷ്) : മുഹമ്മദ് അബ്ദൂള്‍ റഷീദ് വി. പി. (എസ്.എന്‍.ജി.എസ് കോളേജ്, പട്ടാമ്പി)
ചെറുകഥാരചന (മലയാളം) : നജിയാ എം. എസ് (ഗവ. വിക്ടോറിയ കോളേജ്, പാലക്കാട്)
ചെറുകഥാരചന (ഹിന്ദി) : ഷിബു എ. പി. (മാര്‍ ഇവാനിയോസ് നാലാഞ്ചിറ, തിരുവനന്തപുരം).
ചെറുകഥാരചന (അറബിക്) : മുഹമ്മദ് ഇഹ്സാന്‍ സി. എച്ച്. (ടി കെ എം ആര്ട്സ് ആന്‍ഡ് സയന്‍സ് കോളേജ്).
ചെറുകഥാരചന (തമിഴ്) : 1. ഇന്ദിര എ. (ഗവ. സംസ്‌കൃത കോളജ്, തിരുവനന്തപുരം).
ചെറുകഥാരചന (സംസ്‌കൃതം) : 1. അക്‌സെര്‍ എം. (ടി.കെ.എം. ആര്‍ട്ട്‌സ് ആന്‍ഡ് സയന്‍സ് കോളേജ്).
