സ്ത്രീകളെ അവഹേളിക്കുന്ന തരത്തിലുള്ള ചിത്രങ്ങള്‍ ഒഴിവാക്കും; പൃഥ്വി
തിരുവനന്തപുരം: കൊച്ചിയില്‍ ആക്രമണത്തിന് ഇരയായ യുവതാരം വീണ്ടും അഭിനയ ജീവിതത്തിലേക്ക് തിരിച്ചുവരുന്നതില്‍ അവരുടെ ധൈര്യത്തെ അഭിനന്ദിച്ച്‌ നടന്‍ പൃഥ്വിരാജിന്റെ എഫ്.ബി പോസ്റ്റ്. നടി അസാധാരാണ ധൈര്യമാണ് കാണിക്കുന്നത്. സ്ത്രീകളെ അവഹേളിക്കുന്ന തരത്തിലുള്ള ചിത്രങ്ങള്‍ ഒഴിവാക്കും എന്നുമാണ് പോസ്റ്റില്‍ പൃഥ്വി വ്യക്തമാക്കുന്നത്. ജീവിതത്തില്‍ താന്‍ കണ്ട ധീര വനിതകളാണ് തന്റെ അമ്മയും ഭാര്യയും. ധൈര്യമുള്ള സ്ത്രീകളുടെ ഇടയില്‍ നില്‍ക്കുന്ന താന്‍ എത്ര ചെറുതാണെന്ന് തോന്നിപോവുകയാണ്. ഇങ്ങനെ പറഞ്ഞുകൊണ്ടാണ് പോസ്റ്റ് തുടങ്ങുന്നത്.
ഇന്ന് എന്റെ പ്രിയ സുഹൃത്ത് അവരുടെ പുതിയ ചിത്രം ആദമിന്റെ ചിത്രീകരണത്തിനായി എത്തുന്പോള്‍ എന്റെ ജീവിതത്തില്‍ ഒരു അസാധാരണമായ നിമിഷത്തിന് സാക്ഷിയാവാന്‍ ഒരിക്കല്‍ കൂടി അവസരം ലഭിക്കുകയാണ്.
നിങ്ങളുടെ ജീവിതം നിങ്ങള്‍ക്ക് മാത്രമേ നിയന്ത്രിക്കാന്‍ സാധിക്കുവെന്ന് മനസിലാക്കുന്ന, കേള്‍ക്കാത്ത ശബ്ദങ്ങള്‍ക്കിടയില്‍ നടത്തുന്ന ഒരു പ്രസ്താവന.. അവര്‍ നടത്തും. തന്റെ ചിത്രങ്ങളില്‍ സ്ത്രീകളെ അപമാനിക്കുന്ന തരത്തിലുള്ള കാര്യങ്ങള്‍ ആഘോഷിക്കാന്‍ ഇടയാക്കില്ല. എല്ലാവരും നടിയുടെ തീരുമാനത്തെയും ധൈര്യത്തെയും എഴുന്നേറ്റ് നിന്ന് അഭിനന്ദിക്കണം. നിരവധി പേര്‍ക്ക് മുന്നോട്ടുള്ള വഴി കാണിച്ചു നല്‍കുന്ന വിളക്കായി.. അസാധാരണ കരുത്തിന്റെ ഒരു പ്രസ്താവന അവള്‍ നടത്തും.. എന്നും ഞാന്‍ നിന്റെ ആരാധകനായിരിക്കും പ്രിയസുഹൃത്തെ എന്ന് പറഞ്ഞാണ് പോസ്റ്റ് അവസാനിക്കുന്നത്.
