ഹസനിൽ പ്രജ്വൽ രേവണ്ണ വമ്പൻ തോൽവിയിലേക്ക്

ബം​ഗളൂരു: ലൈംഗികാതിക്രമ കേസിൽ അറസ്റ്റിലായ കർണാടകയിലെ ഹസൻ മണ്ഡലത്തിലെ എൻഡിഎ സ്ഥാനാർത്ഥി പ്രജ്വൽ രേവണ്ണ വമ്പൻ തോൽവിയിലേക്ക്. വോട്ടെണ്ണൽ പുരോ​ഗമിക്കുമ്പോൾ സിറ്റിം​ഗ് എംപിയും മുൻ പ്രധാനമന്ത്രി ദേവ​ഗൗഡയുടെ കൊച്ചുമകനും ജെഡിയു നേതാവുമായ പ്രജ്വൽ 40568 വോട്ടിന് പിന്നിലാണ്. ഇന്ത്യ കൂട്ടായ്മയുടെ സ്ഥാനാർത്ഥിയായ കോൺ​ഗ്രസ് നേതാവ് ശ്രേയസ് എം പട്ടേലാണ് മണ്ഡലത്തിൽ ലീഡ് ചെയ്യുന്നത്. 2019ൽ 12,78,653 വോട്ടിന് ജയിച്ചിടത്താണ് പ്രജ്വുൽ കൂപ്പുകുത്തിയത്. 

പ്രജ്വൽ പകർത്തിയതെന്നു കരുതുന്ന മൂവായിരത്തിലധികം ലൈം​ഗിക പീഡന ദൃശ്യങ്ങൾ പുറത്തായിരുന്നു. വീട്ടുജോലിക്കാരായ സ്ത്രീകൾ അടക്കം പരാതിയുമായി രംഗത്തെത്തിയതോടെ നയതന്ത്ര പാസ്‌പോർട്ട്‌ ഉപയോഗിച്ച് ജർമനിയിലേക്ക്‌ മുങ്ങിയ പ്രജ്വൽ 34 ദിവസത്തെ ഒളിവുജീവിതത്തിനുശേഷം മെയ് 31ന് കീഴടങ്ങുകയായിരുന്നു.