വളയം ലീഗ് കേന്ദ്രത്തില്‍ നിന്ന് സ്ഫോടകശേഖരം പിടികൂടി
കോഴിക്കോട്: വളയം ലീഗ് കേന്ദ്രത്തില്‍ നിന്ന് സ്ഫോടകശേഖരം പിടികൂടി. വളയം പള്ളിമുക്കില്‍ നിന്നാണ് സ്റ്റീല്‍ ബോംബുകള്‍ അടക്കമുള്ളവ പോലീസ് കണ്ടെടുത്തത്. നിര്‍മ്മാണത്തിലിരിക്കുന്ന വീട്ടില്‍ വളയം പോലീസ് നടത്തിയ പരിശോധനയില്‍ 2 സ്റ്റീല്‍ ബോംബ്, 20 ഗുണ്ടുകള്‍, ഇവ നിര്‍മ്മിക്കാനുപയോഗിച്ച വെടിമരുന്ന് ശേഖരം എന്നിവ കണ്ടെത്തിയിട്ടുണ്ട്.
സംഭവത്തില്‍ വളയം പോലീസ് അന്വേഷണം തുടങ്ങി. വളയം ഒ പി മുക്കില്‍ വീണ്ടും ബോംബേറുണ്ടായി. സി പി ഐ (എം) പ്രവര്‍ത്തകനായ സുരേന്ദ്രന്റെ വീടിന് നേരെ രാത്രി പന്ത്രണ്ടരയോടെയാണ് ബോംബെറിഞ്ഞത്. വീട്ടില്‍ പോലീസും ബോംബ് സ്ക്വാഡും പരിശോധന നടത്തി.
ഇന്നലെ ഇവിടെ സി പി ഐ (എം) അനുഭാവിയായ ഓണപറമ്ബത്ത് കണാരന്റെ വീടിന് നേരെ ബോംബെറിഞ്ഞിരുന്നു, ഇവ പൊട്ടിയിരുന്നില്ല. പ്രദേശത്ത് ബോധപൂര്‍വം സംഘര്‍ഷമുണ്ടാക്കാന്‍ ലീഗ് ശ്രമിക്കുകയാണെന്ന് സി പി ഐ (എം) നേതൃത്വം പറഞ്ഞു.
