നടന്‍ ബിജുമേനോന്‍ സഞ്ചരിച്ച കാര്‍ അപകടത്തില്‍ പെട്ടു
വളാഞ്ചേരി: നടന്‍ ബിജുമേനോന്‍ സഞ്ചരിച്ച കാര്‍ അപകടത്തില്‍ പെട്ടു. വാഹനത്തിന് കേടുപാടുകള്‍ സംഭവിച്ചെങ്കിലും ബിജുമോനോന്‍ പരിക്കേല്‍ക്കാതെ രക്ഷപ്പെട്ടു. വളാഞ്ചേരിക്ക് സമീപം വട്ടപ്പാറയിലാണ് അപകടമുണ്ടായത്. തൃശൂര്‍ ഭാഗത്തുനിന്നും കോഴിക്കോട്ടേക്ക് വന്ന കാര്‍ ബിജു മേനോന്‍ സഞ്ചരിച്ച കാറിലും മറ്റൊരു കാറിലും ഇടിക്കുകയായിരുന്നു.
രാത്രി ഏറെ വൈകി മറ്റൊരു കാറിലാണ് താരം പിന്നീട് യാത്ര ചെയ്തത്. ഹൈവേ പൊലീസും വളാഞ്ചേരി പൊലീസും ചേര്‍ന്ന് വാഹനങ്ങള്‍ നീക്കം ചെയ്ത് ഗതാഗതം പുന:സ്ഥാപിച്ചു.
