ജോലിക്ക് പോകാൻ നിർബന്ധിച്ച ഭാര്യയെ തലയ്‌ക്കടിച്ചു കൊല്ലാൻ ശ്രമിച്ചു; യുവാവ്‌ പിടിയിൽ
കൊല്ലം: ജോലിക്ക് പോകാൻ നിർബന്ധിച്ച ഭാര്യയെ വിറക് കഷ്ണം കൊണ്ട് തലയ്‌ക്കടിച്ചു കൊല്ലാൻ ശ്രമിച്ച യുവാവ്‌ പിടിയിൽ. തഴുത്തല മിനി കോളനിയില്‍ സുധീഷ് ഭവനത്തില്‍ സുധീഷ് (27) നെയാണ് പോലീസ് അറസ്റ്റ് ചെയ്തത് .ജോലിക്ക് പോകാനായി സ്ഥിരമായി ഭാര്യ ലക്ഷമി സുധീഷിനോട് ആവശ്യപ്പെട്ടിരിന്നു. എന്നാല്‍ ഇയ്യാള്‍ അതിന് തയ്യാറായിരുന്നില്ല .ഇതേ തുടര്‍ന്ന് ഇരുവരും തമ്മില്‍ തര്‍ക്കം പതിവായിരുന്നു. ജനുവരി 26-ന് വൈകീട്ടാണ് സംഭവം നടന്നത് . ജോലിക്കു പോകാതെ വീട്ടില്‍ നില്‍ക്കുന്ന സുധീഷിനോട് ജോലിക്ക് പോകണമെന്നും പണയം വെച്ച സ്വര്‍ണാഭരണങ്ങള്‍ എടുത്തു നല്‍കണമെന്നും ആവശ്യപ്പെട്ടിരുന്നു. ഇതാണ് പ്രകോപനത്തിനു കാരണമായത്‌ . ഒന്നരവയസ്സുള്ള ഇവരുടെ കുഞ്ഞിനെ തൂക്കിയെടുത്തു കട്ടിലിലേക്കെറിഞ്ഞ് പരിക്കേല്‍പ്പിച്ചതായും പോലീസ് പറഞ്ഞു. സബ് ഇന്‍സ്‌പെക്ടര്‍മാരായ സുജിത് ബി.നായര്‍, റെനോക്‌സ്, ജോയി, ഗിരീശന്‍, സി.പി.ഒ. അനൂപ്, ജാസ്മിന്‍ എന്നിവര്‍ ചേര്‍ന്നാണ് പ്രതിയെ പിടികൂടിയത്.കോടതി ഇയാളെ റിമാന്‍ഡ് ചെയ്തു.
