കർഷക തൊഴിലാളി യൂണിയൻ ദേശീയ സമ്മേളന നഗരിയിലേക്കുള്ള പതാകജാഥയ്ക്ക് കൊയലാണ്ടിയിൽ ഉജ്ജ്വല സ്വീകരണം
കൊയിലാണ്ടി: അഖിലേന്ത്യ കർഷക തൊഴിലാളി യൂണിയൻ ദേശീയ സമ്മേളന നഗരിയിലേക്കുള്ള പതാകജാഥയ്ക്ക് കൊയിലാണ്ടിയിൽ ഉജ്ജ്വല സ്വീകരണം നൽകി. ജനുവരി 1, 2, 3 തീയ്യതികളിലായി കണ്ണൂരിൽ നടക്കുന്ന 9-ാം ദേശീയ സമ്മളന നഗരിയിലേക്കുള്ള പതാക ജാഥക്കാണ് കൊയിലാണ്ടിയിൽ സ്വീകരണമൊരുക്കിയത്. സംഘാടകസമിതിയുടെ നേതൃത്വത്തിൽ മുത്തുക്കുടയുടെയും മുദ്രാവാക്യങ്ങളുടെയും അകമ്പടിയോടെ നൂറുകണക്കിന് സ്ത്രീകളുൾപ്പെടെയുള്ള വൻജനാവലിയുടെ സാന്നിദ്ധ്യത്തിൽ പുതിയ ബസ്സ്സ്റ്റാൻ്റിന് സമീപം ജാഥാ ലീഡറെയും ജാഥാംഗങ്ങളെയും നഗരസഭാ ചെയർമാൻ അഡ്വ. കെ സത്യൻ രക്തഹാരമണിയിച്ച് സ്വീകരിച്ചു.
കർഷകസംഘം ജില്ലാ സെക്രട്ടറി പി. വിശ്വൻ മാസ്റ്റർ, സിപിഐ(എം) ഏരിയാ സെക്രട്ടറി കെ. കെ. മുഹമ്മദ്, എ.സി. ബാലകൃഷ്ണൻ, പി. ബാബുരാജ്, എം. പത്മനാഭൻ, എം.എ. ഷാജി തുടങ്ങിയവരുടെ നേതൃത്വത്തിലാണ് സ്വീകരണമൊരുക്കിയത്. വിവിധ വർഗ്ഗബഹുജന സംഘടനകളുടെ നേതാക്കളും മേഖലാ കമ്മിറ്റികൾക്കുവേണ്ടിയും ജാഥാ ലീഡറെ ഹാരാർപ്പണം നടത്തി. തുടർന്ന് ബസ്സ്സ്റ്റാൻ്റ് പരിസരത്ത് പി. വി. മാധവൻ്റെ അദ്ധ്യക്ഷതയിൽ ചേർന്ന സ്വീകരണ സമ്മേളനത്തിൽ ജാഥാ ലീഡറും KSKTU സംസ്ഥാന സെക്രട്ടറിയുമായ എൻ. ആർ. ബാലൻ പ്രവർത്തകരെ അഭിവാദ്യം ചെയ്ത് സംസാരിച്ചു.
സംസ്ഥാന ജോയിൻ്റ് സെക്രട്ടറി ദേവദർശൻ ദേശീയ രാഷ്ട്രീയത്തിൻ്റെ പ്രാധാന്യത്തെക്കുറിച്ച് വിശദീകരിച്ചു. ഡെ. ലീഡർ കോമള കുമാരി, ജില്ലാ സെക്രട്ടറി കെ.കെ. ദിനേശൻ, പ്രസിഡണ്ട് ടി. കെ. കുഞ്ഞിരാമൻ, ഏരിയാ പ്രസിഡണ്ട് പി. ബാബുരാജ്, എൻ. എം. ദാമോദരൻ, സി. ബാലൻ തുടങ്ങിയവർ സംസാരിച്ചു. ഏരിയാ സെക്രട്ടറി എ. സി. ബാലകൃഷ്ണൻ സ്വാഗതവും സംഘാടകസമിതി കൺവീനർ എ.കെ. അനിൽകുമാർ നന്ദിയും പറഞ്ഞു.
