കണ്ണൂരിലും വിയ്യൂരിലും റെയ്ഡ്: മൊബൈല്‍ ഫോണും ആയുധങ്ങളും പിടിച്ചു
കണ്ണൂര്: കണ്ണൂര്, വിയ്യൂര്‍ സെന്‍ട്രല്‍ ജയിലുകളില്‍ റെയ്ഡ്. ജയില്‍ ഡിജിപി ഋഷിരാജ് സിംഗിന്റെ നേതൃത്വത്തിലായിരുന്നു കണ്ണൂരില്‍ മിന്നല്‍ പരിശോധന. പുലര്‍ച്ചെ നാല് മണി മുതല്‍ നടത്തിയ റെയ്ഡില് കഞ്ചാവും മൊബൈല്‍ ഫോണുകളും അടക്കം പിടിച്ചെടുത്തു.
ഐ.ജി അശോക് യാദവ്, കണ്ണൂര് എസ് പി എന്നിവര്‍ സിംഗിന് ഒപ്പം ഉണ്ടായിരുന്നു. ഏഴ് കേസുകള് രജിസ്റ്റര് ചെയ്തിട്ടുണ്ട്. റെയ്ഡില് പിടിച്ചെടുത്ത സാധനങ്ങളുടെ എണ്ണവും മറ്റും ചിട്ടപ്പെടുത്തിയ ശേഷം ഇതിന്റെ കണക്കുകള്‍ ഡിജിപി പുറത്തു വിടും. ജയിലിനുള്ളില്‍ ഇത്തരത്തില്‍ അനധികൃതമായി ഓരോ കാര്യങ്ങള്‍ നടക്കുന്നുവെന്ന് നേരത്തെ തന്നെ ഋഷിരാജ് സിംഗിന് വിവരം ലഭിച്ചിരുന്നു. അതിനാലാണ് ഉടന്‍ തന്നെ റെയ്ഡ് നടത്തിയത്.
അതിനിടെ വിയ്യൂര്‍ ജയിലില്‍ നടന്ന റെയ്ഡിനിടയില്‍ ടിപി ചന്ദ്രശേഖരന്‍ വധക്കേസിലെ പ്രതി ഷാഫിയുടെ കയ്യില്‍ നിന്നും മൊബൈല്‍ ഫോണ്‍ പിടികൂടിയിട്ടുണ്ട്. രണ്ട് മൊബൈല്‍ ഫോണുകളാണ് ഷാഫിയുടെ കയ്യില്‍ നിന്നും പിടികൂടിയത്. മുന്‍പും ഷാഫിയുടെ കയ്യില്‍ നിന്നും ഫോണ്‍ പിടികൂടിയിട്ടുണ്ട്.
