ഒഴുക്കില്‍ പെട്ട് കാണാതായ വിദ്യാര്‍ത്ഥിയുടെ മൃതദേഹം കിട്ടി
തിരുവല്ല: വരട്ടാറിലെ കുറ്റൂര്‍ തൈമാവും കര മാമ്ബറ്റ കടവിലെ ചപ്പാത്തില്‍ നിന്നും ഒഴുക്കില്‍ പെട്ട് കാണാതായ ഒന്‍പതാം ക്ലാസ് വിദ്യാര്‍ത്ഥിയുടെ മൃതദേഹം തിങ്കളാഴ്ച രാവിലെ എട്ടരയോടെ കണ്ടെടുത്തു. ചങ്ങനാശേരി പായിപ്പാട് അഴകപ്പാറ പുത്തന്‍പറമ്ബില്‍ തോമസ് മാത്തന്റെ മകനും ചങ്ങനാശേരി എസ് ബി ഹയര്‍ സെക്കണ്ടറി സ്കൂള്‍ വിദ്യാര്‍ത്ഥിയുമായ ജിതിന്‍ തോമസ് മാത്തന്റെ (14) മൃതദേഹമാണ് കിട്ടിയത്.
തൊട്ടടുത്ത മുളങ്കൂട്ടത്തിനടിയില്‍ കുരുങ്ങി കിടന്ന മൃതദേഹം നേവി മുങ്ങല്‍ വിദദ്ധര്‍ നാല്‍പത്തി ഒന്നര മണിക്കൂറിന് ശേഷം മുങ്ങി എടുക്കുകയായിരുന്നു. ശനിയാഴ്ച വൈകിട്ട് 3 മണിയോടെയാണ് ജിതിനെ ഒഴുക്കില്‍ പെട്ട് കാണാതായത്.
