അനധികൃതമായി കടത്തുകയായിരുന്ന ഒരു ലോഡ് മണൽ ലോറി പിടികൂടി
കൊയിലാണ്ടി: ദേശീയ പാതയിൽ ചേമഞ്ചേരിയിൽ അനധികൃതമായി കടത്തുകയായിരുന്ന ഒരു ലോഡ് മണൽ ലോറി കൊയിലാണ്ടി പോലീസ് പിടികൂടി. രഹസ്യവിവരം ലഭിച്ചതിന്റെ അടിസ്ഥാനത്തിൽ എസ്.ഐ.സി.കെ. രാജേഷും സംഘവും നടത്തിയ വാഹന പരിശോധനയ്ക്കിടെയാണ് മണലും ലോറിയും പിടികൂടിയത്. പോലീസ് കൈകാണിച്ച് മണൽ ലോറി നിർത്തിയെങ്കിലും ഡ്രൈവർ ഇറങ്ങി ഓടി രക്ഷപ്പെട്ടു. മണലും ലോറിയും കൊയിലാണ്ടി പോലീസ് കസ്റ്റഡിയിലെടുത്തു.
