യുവാവിനെയും ഗര്‍ഭിണി‍യായ ഭാര്യയെയും കൊലപ്പെടുത്തി
ചെന്നൈ: ജാതി മാറി വിവാഹം ചെയ്തതിന് യുവാവിനെയും ഗര്‍ഭിണി‍യായ ഭാര്യയെയും ഒരു സംഘമാളുകള്‍ കൊലപ്പെടുത്തി. തൂത്തുക്കുടി തന്തൈ പെരിയാര്‍ സ്വദേശി സോലൈരാജ്(24) ഭാര്യ ജ്യോതി(24) എന്നിവരാണ് കൊല്ലപ്പെട്ടത്. ജ്യോതി മൂന്ന് മാസം ഗര്‍ഭിണിയായിരുന്നു.
അക്രമവുമായി ബന്ധപ്പെട്ട് ജ്യോതിയുടെ പിതാവിനെ പൊലീസ് അറസ്റ്റ് ചെയ്തു. പിതാവിന്‍റെ നിര്‍ദേശത്തെ തുടര്‍ന്ന് ഒരുസംഘമാളുകള്‍ ചേര്‍ന്ന് ഇരുവരെയും കൊലപ്പെടുത്തിയതെന്നാണ് സൂചന.
സോലൈരാജിന്‍റെ വീട്ടുകാര്‍ക്ക് ഇരുവരും തമ്മിലുള്ള വിവാഹത്തില്‍ എതിര്‍പുണ്ടായിരുന്നില്ല. സോലൈരാജിന്‍റെ കുടുംബ വീടിന് സമീപമുള്ള വാടകവീട്ടിലാണ് ഇരുവരും താമസിച്ചിരുന്നത്. കഴിഞ്ഞ ദിവസം ഇരുവരെയും പുറത്ത് കാണാത്തതിനെ തുടര്‍ന്ന് സോലൈരാജിന്‍റെ മാതാവ് മുത്തുമാരി വീട്ടിലെത്തിയപ്പോള്‍ വെട്ടേറ്റു മരിച്ച നിലയില്‍ മൃതദേഹങ്ങള്‍ കണ്ടെത്തുകയായിരുന്നു.
Advertisements
