ഓടിക്കൊണ്ടിരിക്കുന്ന കാറിന് തീപിടിച്ചു
കട്ടപ്പന: ഇടുക്കി റോഡില് വാഴവരക്ക് സമീപം ഓടിക്കൊണ്ടിരിക്കുന്ന കാറിന് തീപിടിച്ചു. തിരുവല്ല സ്വദേശി മാത്യു പി. ജോസഫിൻ്റെ കാറിനാണ് തീപിടിച്ചത്. മാത്യുവും ഭാര്യയും മക്കളുമടക്കം അഞ്ചുപേരാണ് കാറില് ഉണ്ടായിരുന്നത്. കാറിനു തീപിടിച്ചത് മറ്റുവാഹന യാത്രക്കാരാണ് ശ്രദ്ധയില്പെടുത്തിയത്. വാഹനം നിര്ത്തി യാത്രക്കാര് പുറത്തിറങ്ങുമ്പോ ഴേക്കും തീപടര്ന്നു കഴിഞ്ഞിരുന്നു. ഇവര് പുറത്തിറങ്ങാന് വൈകിയിരുന്നെങ്കില് വന് അപകടം ഉണ്ടായേനെ. സ്ഥലത്തെത്തിയ കട്ടപ്പന അഗ്നിരക്ഷാസേനയും നാട്ടുകാരും ചേര്ന്ന് തീയണക്കുകയായിരുന്നു. അപ്പോഴേക്കും വാഹനം പൂര്ണമായും കത്തിയിരുന്നു.