കോഴിക്കോട് 24 വൈദ്യുത വാഹന ചാര്ജിങ് സ്റ്റേഷനുകള്
കോഴിക്കോട്: ജില്ലയുടെ വിവിധ ഭാഗങ്ങളിലായി 24 വൈദ്യുത വാഹന ചാര്ജിങ് സ്റ്റേഷനുകള് കൂടി (ഇലക്ട്രിക് വെഹിക്കിള് ചാര്ജിങ് സ്റ്റേഷന്) ഉടന് ആരംഭിക്കും. കെ.എസ്.ഇ.ബിയുടെ നേതൃത്വത്തില് ബീച്ച് ആശുപത്രി, സിവില് സ്റ്റേഷന്, പാവങ്ങാട്, വെള്ളയില് തുടങ്ങിയ സ്ഥലങ്ങളിലാണ് സ്റ്റേഷനുകള് ആരംഭിക്കുന്നത്. ആദ്യഘട്ടമായി കെ.എസ്.ഇ.ബി നല്ലളം സബ്സ്റ്റേഷനോട് ചേര്ന്നുള്ള സ്റ്റേഷന് പ്രവര്ത്തനം തുടങ്ങി. ആദ്യ മൂന്നുമാസം സൗജന്യമായി വാഹനങ്ങള്ക്ക് ഇവിടെനിന്ന് വൈദ്യുതി സംഭരിക്കാം.
തിരുവനന്തപുരത്തെയും എറണാകുളത്തെയും അപേക്ഷിച്ച് ജില്ലയില് പൊതുവെ വൈദ്യുത വാഹനങ്ങള് കുറവാണ്. അതിനാല്, ദിവസവും 10ല് താഴെ കാറുകളാണ് ഇവിടെയെത്തുന്നത്. ചെലവും മലിനീകരണവും കുറവാണെന്നതിനാല് കൂടുതല്പേര് ഇത്തരം വാഹനങ്ങളിലേക്ക് മാറുന്നതിന് താല്പര്യപ്പെടുന്നുണ്ട്. ഇത് മുന്നിര്ത്തിയാണ് കൂടുതല് കേന്ദ്രങ്ങള് ആരംഭിക്കുന്നത്. കൂടുതല് ചാര്ജിങ് സ്റ്റേഷനുകള് ആരംഭിക്കുന്നതോടെ വൈദ്യുത വാഹനങ്ങള്ക്ക് കൂടുതല് ജനസ്വീകാര്യത ലഭിക്കുമെന്നാണ് കെ.എസ്.ഇ.ബിയുടെ പ്രതീക്ഷ.
സംസ്ഥാനത്തിപ്പോള് മൊത്തം 10 വൈദ്യുത വാഹന ചാര്ജിങ് കേന്ദ്രങ്ങളാണ് പ്രവര്ത്തനം തുടങ്ങിയത്. ഇവയില് ആറെണ്ണം കെ.എസ്.ഇ.ബിയുടെയും നാലെണ്ണം അനര്ട്ടിെന്റയും മേല്നോട്ടത്തിലാണ്. ചാര്ജിങ് കേന്ദ്രങ്ങളെല്ലാം ആളില്ലാ നിലയങ്ങളായിരിക്കും എന്നതാണ് മറ്റൊരു പ്രത്യേകത. മൊബൈല് ആപ് വഴിയാണ് പണം സ്വീകരിക്കുന്നതുള്പ്പെടെയുള്ള നടപടികള്. മൊബൈല് ആപ് ഇന്സ്റ്റാള് ചെയ്താല് അടുത്തുള്ള സ്റ്റേഷന്, അവിടെ തിരക്കുണ്ടോ എന്നതെല്ലാം അറിയാം. തുടര്ന്ന് ഒാണ്ലൈനായി പണമടച്ചാല് സ്വന്തമായി ഇത്തരം കേന്ദ്രങ്ങളിലെത്തി ചാര്ജ് ചെയ്യുകയുമാവാം. ഫാസ്റ്റിങ് ചാര്ജിങ് ആണെന്നതിനാല് അരമണിക്കൂര്കൊണ്ട് വൈദ്യുതി സംഭരിക്കാം.
അതേസമയം, വീടുകളില്നിന്നാെണങ്കില് അഞ്ചും ആറും മണിക്കൂര് ചാര്ജ് ചെയ്യേണ്ടിവരുമെന്നാണ് അധികൃതര് പറയുന്നത്. ഒറ്റ ചാര്ജിങ്ങില് 300 കിലോമീറ്ററിലേറെ വരെ വാഹനത്തിന് സഞ്ചരിക്കാനാവും.