കോവിഡ് കീഴടക്കിയെങ്കിലും കൊറോണയ്ക്ക് പെണ്‍കുഞ്ഞ്
കൊല്ലം: കോവിഡ് കീഴടക്കിയെങ്കിലും കൊറോണ പെണ്‍കുഞ്ഞിന് ജന്‍മം നല്‍കി. കൊല്ലം ഗവ. മെഡിക്കല്‍ കോളജിലാണ് കടവൂര്‍ മതിലില്‍ സ്വദേശിനി കൊറോണയെന്ന യുവതിയുടെ പ്രസവം നടന്നത്. വ്യാഴാഴ്ച പുലര്‍ച്ചെ രണ്ടരയോടെയാണ് 24കാരി കൊറോണ തൻ്റെ രണ്ടാമത്തെ കുഞ്ഞിന് ജന്‍മം നല്‍കിയത്. പെണ്‍കുഞ്ഞിന് അര്‍പ്പിതയെന്നാണ് പേര് നല്‍കിയിരിക്കുന്നത്. അഞ്ചു വയസുള്ള മൂത്ത മകൻ്റെ പേര് അര്‍ണവ് എന്നാണ്.
കടവൂര്‍ മതിലില്‍ കാട്ടുവിളയില്‍ തോമസിൻ്റെയും ഷീബയുടേയും മകളാണ് കൊറോണ. സൂര്യന് ചുറ്റുമുള്ള പ്രകാശ വലയം എന്ന അര്‍ഥം വരുന്ന പേരെന്ന നിലയിലാണ് മകള്‍ക്ക് കൊറോണ എന്ന പേര് നല്‍കിയത്. ഇരട്ട സഹോദരന് പവിഴം എന്ന അര്‍ഥം വരുന്ന കോറല്‍ എന്നും പേരിട്ടു.
മകള്‍ക്ക് വ്യത്യസ്തവും അര്‍ഥവത്തുമായ പേര് നല്‍കിയപ്പോള്‍ വര്‍ഷങ്ങള്‍ക്കിപ്പുറം പേരിൻ്റെ കൗതുകം ഇത്രത്തോളം വര്‍ധിക്കുമെന്ന് തോമസും ഷീബയും സ്വപ്നത്തില്‍ പോലും കരുതിയതല്ല. ഷീബയുടെ ബ്യൂട്ടി പാര്‍ലറിനും കൊറോണ എന്ന പേരാണ് നല്‍കിയത്. പ്രവാസിയായ ജിനുവാണ് കൊറോണയുടെ ഭര്‍ത്താവ്.
ഈ മാസം 10നാണ് യുവതിയെ ആശുപത്രിയിലെത്തിച്ചത്. രജിസ്ട്രേഷന്‍ സമയത്ത് പേര് ‘കൊറോണ’ എന്നു പറഞ്ഞപ്പോള്‍ അവര്‍ ആശ്ചര്യത്തോടെയാണ് നോക്കിയത്.
പേരു പോലെ തന്നെ ലോകത്തെ നടുക്കുന്ന കൊറോണ വൈറസ് കൊറോണയുടെ ശരീരത്തേയും കീഴടക്കി. ഗര്‍ഭവുമായി ബന്ധപ്പെട്ട് ആശുപത്രിയില്‍ നടത്തിയ പരിശോധനയിലാണ് ‘കൊറോണ’ക്ക് കോവിഡ് സ്ഥിരീകരിച്ചത്.
മകള്‍ക്ക് വ്യത്യസ്തവും അര്‍ഥവത്തുമായ പേര് നല്‍കിയപ്പോള്‍ വര്‍ഷങ്ങള്‍ക്കിപ്പുറം പേരിെന്‍റ കൗതുകം ഇത്രത്തോളം വര്‍ധിക്കുമെന്ന് തോമസും ഷീബയും സ്വപ്നത്തില്‍ പോലും കരുതിയതല്ല. ഷീബയുടെ ബ്യൂട്ടി പാര്‍ലറിനും കൊറോണ എന്ന പേരാണ് നല്‍കിയത്. പ്രവാസിയായ ജിനുവാണ് കൊറോണയുടെ ഭര്‍ത്താവ്.
ഈ മാസം 10നാണ് യുവതിയെ ആശുപത്രിയിലെത്തിച്ചത്. രജിസ്ട്രേഷന്‍ സമയത്ത് പേര് ‘കൊറോണ’ എന്നു പറഞ്ഞപ്പോള്‍ അവര്‍ ആശ്ചര്യത്തോടെയാണ് നോക്കിയത്.
പേരു പോലെ തന്നെ ലോകത്തെ നടുക്കുന്ന കൊറോണ വൈറസ് കൊറോണയുടെ ശരീരത്തേയും കീഴടക്കി. ഗര്‍ഭവുമായി ബന്ധപ്പെട്ട് ആശുപത്രിയില്‍ നടത്തിയ പരിശോധനയിലാണ് ‘കൊറോണ’ക്ക് കോവിഡ് സ്ഥിരീകരിച്ചത്.
