കൊയിലാണ്ടിയിൽ ഇന്ന് 11 പേർക്ക് കോവിഡ്
കൊയിലാണ്ടിയിൽ ഇന്ന് 11 പേർക്ക് കോവിഡ് സ്ഥിരീകരിച്ചു. നഗരസഭയിലെ 6, 10, 33, 35, 36, 39, 41, 44 എന്നീ വാർഡുകളിലാണ് കോവിഡ് പോസിറ്റീവ് സ്ഥിരീകരിച്ചത്. ഇന്ന് താലൂക്കാശുപത്രിയിലെ 2 ജീവനക്കാർക്കും ഒരു നെസ്റ്റ് വളണ്ടിയർക്കും കോവിഡ് സ്ഥിരീകരിച്ചിട്ടുണ്ട്. വാർഡ് ആനക്കുളം – 1, വാർഡ് 10 കുന്ന്യോറമല പന്തലായനി – 1, വാർഡ് 33 കൊരയങ്ങാട് – 1, വാർഡ് 35 ചെറിയമങ്ങാട് – 2, വാർഡ് 36 വിരുന്ന്കണ്ടി – 1, വാർഡ് 39 മുബാറഖ് റോഡ് – 1, വാർഡ് 41 സിവിൽ സ്റ്റേഷൻ – 2, വാർഡ് 44 കണിയാം കുന്നുമ്മൽ 2 എന്നിവിടങ്ങളിലാണ് ഇന്ന് കോവിഡ് സ്ഥിരീകരിച്ചത്.
ഇന്ന് നടത്തിയ ആൻ്റിജൻ പരിശോധനയിൽ 9 പേർക്കും ഇന്നലെ താലൂക്കാശുപത്രിയിൽ നടത്തിയ 200 ഓളം ആർ.ടി.പി.സി.ആർ പരിശോധനയിൽ 2 പേർക്കും ആണ് ഇന്ന് കോവിഡ് സ്ഥിരീകരിച്ചത്. 150ൽ കൂടുതൽ റിസൽട്ട് ഇനിയും വാരാനുണ്ട്. പോസിറ്റീവ് സ്ഥിരീകരിച്ചതിൽ സമ്പർക്കം വളരെ കുറവാണെന്നാണ് അറിയുന്നത്.