അഴിയൂരിൽ കോവിഡ് ബാധിച്ച് രണ്ട് പേർ മരിച്ചു
കോഴിക്കോട്: കോവിഡ് ബാധിച്ചതിനെ തുടര്ന്ന് അഴിയൂര് ഗ്രാമപഞ്ചായത്തില് രണ്ടു പേര് മരിച്ചു. ഇരുവരും കോഴിക്കോട് ഗവണ്മെന്റ് മെഡിക്കല് കോളേജില് ചികിത്സയിലായിരുന്നു. അഴിയൂര് പഞ്ചായത്തിലെ മൂന്നാം വാര്ഡ് മനയില് മുക്കിലെ ദാറുല് സൈനബയിലെ എ.കെ സക്കറിയ (68), പതിമൂന്നാം വാര്ഡ് കറുപ്പകുന്നിലെ മാകൂട്ടത്തില് മീത്തല് ബാലകൃഷ്ണൻ (62) എന്നിവരാണ് മരിച്ചത്.
എ.കെ സക്കറിയ ന്യൂമോണിയ ബാധിതനായി ഐ.സി.യുവില് ആയിരുന്നു. ഈ മാസം നാലാം തീയതി മുതല് മെഡിക്കല് കോളേജില് ചികിത്സയിലായിരുന്നു. മൃതദേഹം ഹാജിയാര് പള്ളിയില് കോവിഡ് പ്രോട്ടോകോള് പ്രകാരം കബറടക്കി. ഭാര്യ: പഞ്ചാരൻ്റെ വിട ആയിഷ. മക്കള്: യഹ്യ്യാ, യഹീഷ്, യഹ് ജാസ്, അഹമ്മദ് ഷുഹൈബ്.
ബാലകൃഷ്ണന് അഞ്ച് ദിവസമായി ചികിത്സയിലായിരുന്നു. കിഡ്നി രോഗിയാണ്. ഭാര്യ:അജിത. മക്കള്: അദീഷ്, ജിബീഷ്, അജേഷ്.