മദ്യലഹരിയില് പിതാവ് ആറു മാസം മാത്രം പ്രായമുള്ള കുഞ്ഞിനെ പൊള്ളലേല്പ്പിച്ചു
തൃപ്പൂണിത്തുറ: കുഞ്ഞുങ്ങളോടുള്ള ക്രൂരതയുടെ വാര്ത്തകള് കേരളത്തെ വീണ്ടും നോവിക്കുന്നു. എറണാകുളം തിരുവാങ്കുളത്ത് മദ്യലഹരിയില് പിതാവ് ആറു മാസം മാത്രം പ്രായമുള്ള കുഞ്ഞിനെ പൊള്ളലേല്പ്പിച്ചു. സംഭവത്തില് കുട്ടിയുടെ പിതാവ് ആനന്ദിനെ പോലീസ് അറസ്റ്റ് ചെയ്തു.
വീട്ടില് പലപ്പോഴും ബഹളം നടക്കാറുണ്ടെന്ന് അയല്ക്കാര് പറയുന്നു. ഇന്ന് രാവിലെയും ഭാര്യയും ഭര്ത്താവും തമ്മിലുള്ള വഴക്ക് കണ്ട നാട്ടുകാരാണ് പോലീസിനെ വിവരം അറിയിച്ചത്. കുട്ടിയെ മര്ദിക്കാറുണ്ടെന്ന നാട്ടുകാരില് ചിലരുടെ പരാതിയും കുഞ്ഞിന്റെ ചെവിയുടെ ഭാഗത്തുള്ള മുറിവുണങ്ങിയ പാടും കണ്ട പോലീസ് ഇയാളെ കസ്റ്റഡിയിലെടുക്കുകയായിരുന്നു. നാലുമാസം മുന്പുണ്ടായ പരിക്കാണെന്ന് കുട്ടിയുടെ അമ്മ പറയുന്നു.
തൃപ്പൂണിത്തുറ ഹില്പ്പാലസ് പോലീസ് എത്തി കുട്ടിയെ ആശുപത്രിയിലേക്ക് മാറ്റി. കുഞ്ഞിന്റെ ശരീരത്തിലെ പൊള്ളല് അപകടകരമല്ലെന്നും പോലീസ് പറഞ്ഞു.