വയോധികന് കുഴഞ്ഞു വീണ് മരിച്ചു
കോട്ടയം: കോവിഡ് ഭീതിയില് സഹായമെത്താന് വൈകിയതിനെത്തുടര്ന്ന് നഗര മധ്യത്തില് കുഴഞ്ഞുവീണ വയോധികന് ആശുപത്രിയിലെത്തും മുമ്പ് മരിച്ചു. സ്വകാര്യ വാഹനങ്ങളില് കയറ്റാന് പലരും മടിച്ചതിനെത്തുടര്ന്ന് ചികിത്സ ലഭിക്കാതെ ഒരുമണിക്കൂറോളം റോഡില് കിടന്നശേഷമാണ് ഇദ്ദേഹത്തെ ആശുപത്രിയിലേക്ക് കൊണ്ടുപോകാന് ആംബുലന്സ് ലഭിച്ചത്.
ഒരുമണിക്കൂറിനു ശേഷമെത്തിയ സ്വകാര്യ ട്രസ്റ്റിൻ്റെ ആംബുലന്സില് ആശുപത്രിയിലെത്തിച്ചപ്പോഴേക്കും മരിച്ചു. വൈക്കം സ്വദേശി തങ്കപ്പനാണ് മരിച്ചത്. ബുധനാഴ്ച വൈകീട്ട് അഞ്ചോ ടെയാണ് ഇദ്ദേഹം കെ.എസ്.ആര്.ടി.സി സ്റ്റാന്ഡില് തിയറ്റര് റോഡിനോട് ചേര്ന്ന് കുഴഞ്ഞു വീണത്. മതിലിനോട് ചേര്ന്ന് നില്ക്കുന്നതിനിടെ മുഖമടിച്ച് വീഴുകയായിരുന്നു.