ദേശീയ സീനിയര് വനിതാ വോളി കിരീടം കേരളത്തിന്
ഭുവനേശ്വര്: ദേശീയ സീനിയര് വനിതാ വോളിബോള് കിരീടം കേരളം നിലനിര്ത്തി. ഫൈനലില് കരുത്തരായ റെയില്വേസിനെ എതിരില്ലാത്ത മൂന്ന് സെറ്റുകള്ക്ക് കേരളത്തിന്റെ ചുണക്കുട്ടികള് തകര്ത്തു. സ്കോര്: 25-18, 25-14, 25-13.
ടൂര്ണമെന്റില് ഒരു സെറ്റുപോലും നഷ്ടപ്പെടുത്താതെയാണ് കേരളം കിരീടം ചൂടിയത്. ഒക്ടോബറില് നടന്ന ഫെഡറേഷന് കപ്പിന്റെ കലാശപ്പോരാട്ടത്തിലും റെയില്വേസിനെ തോല്പ്പിച്ചാണ് കേരളം ചാമ്ബ്യന്മാരായത്. ചെന്നൈ വേദിയായ കഴിഞ്ഞ വര്ഷത്തെ സീനിയര് വോളിബോള് ഫൈനലിലും കേരളം റെയില്വേസിനെ തോല്പ്പിച്ചാണ് കപ്പുയര്ത്തിയത്. അതേസമയം പുരുഷ വിഭാഗത്തില് കേരളം സെമിഫൈനലില് റെയില്വേസിനോട് തോല്വി ഏറ്റുവാങ്ങിയിരുന്നു. ഇന്ന് ലൂസേഴ്സ് ഫൈനലില് കേരളം കര്ണാടകയെ നേരിടും. പുരുഷ വിഭാഗം ഫൈനലില് തമിഴ്നാടും റെയില്വേസും ഏറ്റുമുട്ടും.