ഹോങ്കോംഗ് ഓപ്പണ്: ശ്രീകാന്ത് സെമിയില്
ഹോങ്കോംഗ്: ഇന്ത്യയുടെ കെ.ശ്രീകാന്ത് ഹോങ്കോംഗ് ഓപ്പണ് ബാഡ്മിന്റണ് ടൂര്ണമെന്റിന്റെ സെമിഫൈനലില് കടന്നു. ഒളിമ്ബിക് ചാമ്ബ്യന് ചൈനയുടെ ചെന് ലോംഗ് ക്വാര്ട്ടര് ഫൈനലില് പരിക്കേറ്റ് പിന്മാറിയതോടെ ശ്രീകാന്തിന് സെമിബര്ത്ത് ലഭിക്കുകയായിരുന്നു.
ആദ്യ ഗെയിം 21-13 എന്ന നിലയില് നേടി ശ്രീകാന്ത് മത്സരത്തില് മുന്നിട്ടു നില്ക്കുകയായിരുന്നു. ഇതിന് പിന്നാലെയാണ് ചൈനീസ് താരം പരിക്ക് മൂലം മത്സരം അവസാനിപ്പിച്ചത്.
ഏഴ് മാസത്തിന് ശേഷമാണ് ശ്രീകാന്ത് ഒരു പ്രധാന ടൂര്ണമെന്റിന്റെ സെമിഫൈനലില് കളിക്കുന്നത്. ഏപ്രിലില് സിംഗപ്പൂര് ഓപ്പണ് ക്വാര്ട്ടര് ഫൈനല് കളിച്ചതിന് ശേഷമുള്ള ശ്രീകാന്തിന്റെ ഏറ്റവും മികച്ച പ്രകടനമാണിത്.