യൂത്ത് കോൺഗ്രസ്സ് – എസ് നേതൃത്വത്തിൽ പ്രതിഷേധ കത്തയച്ചു
ആൾക്കൂട്ട കൊലപാതകത്തിനെതിരെ പ്രധാനമന്ത്രിക്ക് കത്തയച്ചതിന്റെ പേരിൽ സാംസ്കാരിക പ്രവർത്തകർക്ക് നേരെ രാജ്യദ്രോഹകുറ്റം ചുമത്തി കേസെടുക്കാനുള്ള നടപടിക്കെതിരെ യൂത്ത് കോൺഗ്രസ്സ് – എസ്. നേതൃത്വത്തിൽ കത്തയച്ച് പ്രതിഷേധിച്ചു. ” പ്രധാനമന്ത്രിക്ക് കത്തയച്ചാൽ കേസ് എടുക്കുമെങ്കിൽ ഞങ്ങളുടെ പേരിലും കേസെടുക്കൂ” എന്ന മുദ്രാവാക്യമുയർത്തിയാണ് പ്രതിഷേധിച്ചത്.
കൊയിലാണ്ടിയിൽ പോസ്റ്റാഫീസിന് മുന്നിൽ നടന്ന പരിപാടി കോൺഗ്രസ്സ് – എസ്.ജില്ലാ പ്രസിഡന്റ് സി. സത്യചന്ദ്രൻ ഉൽഘാടനം ചെയ്തു. വള്ളിൽ ശ്രീജിത്ത് അധ്യക്ഷത വഹിച്ചു. പി.വി.സജിത്ത്, സി.രാമകൃഷ്ണൻ മാസ്റ്റർ, എസ്.വി.റഹ്മത്തുള്ള, പി.വി.വിജയൻ, കെ.പി.ഭാസ്ക്കരൻ, പി.വി. നകുലൻ, കെ.പി.പ്രകാശൻ, പി.വി.വിജിൽ, ടി.ടി.മുജീബ് റഹ്മ്മാൻ പി.വി.അശോകൻ തുടങ്ങിയവർ സംസാരിച്ചു.
