സ്വര്ണ വില വീണ്ടും സര്വകാല റിക്കോര്ഡിലെത്തി
കൊച്ചി: സ്വര്ണ വില വീണ്ടും സര്വകാല റിക്കോര്ഡിലെത്തി. പവന് 280 രൂപ വര്ധിച്ച് 25,800 രൂപയിലെത്തി. ഗ്രാമിന് 35 രൂപ കൂടി 3,225 രൂപയിലാണു സംസ്ഥാനത്ത് ഇന്നു വ്യാപാരം പുരോഗമിക്കുന്നത്. ബുധനാഴ്ച പവന് 120 രൂപ കുറഞ്ഞ ശേഷമാണ് ഇന്ന് ആഭ്യന്തര വിപണിയില് വില കുതിച്ചു കയറിയത്. ജൂണ് 25ന് പവന് 25,680 രൂപയില് എത്തിയതായിരുന്നു ഇതുവരെയുള്ള റിക്കാര്ഡ് വില.
രാജ്യാന്തര വിപണിയില് വില ഉയരുന്നതാണ് ആഭ്യന്തര വിപണിയിലും വില വര്ധനവിനു കാരണം. കേന്ദ്ര ബജറ്റില് സ്വര്ണത്തിന്റെ ഇറക്കുമതി തീരുവ 10 ശതമാനത്തില്നിന്ന് 12.5 ശതമാനമായി ഉയര്ത്തുമെന്ന് ധനമന്ത്രി പ്രഖ്യാപിച്ചിരുന്നു. ഇതിനു പിന്നാലെ ആഭ്യന്തര വിപണിയില് സ്വര്ണത്തിന് കനത്ത വിലക്കയറ്റമാണ് ഉണ്ടായത്.